यवत, ता. ४ : पुणे जिल्ह्यातील दौंड तालुक्यातील बोरीभडक येथे एका तरुणाने तरुणीचे अपहरण करून तिच्या कुटुंबीयांना मारहाण केल्याची धक्कादायक घटना समोर आली आहे. या प्रकरणी यवत पोलीस ठाण्यात कमरुद्दीन मुकीम शेख आणि त्याच्या दोन साथीदारांविरुद्ध भा न्या सं कलम 74, 79, 309(2), 333, 115(2), 338, 351 (2), 3(5) सह आर्म अॅक्ट कलम 3 (25) या कलमांन्वये लव जिहाद प्रकरणी तिघांविरुद्ध गुन्हा दाखल केला आहे.
मिळालेल्या माहितीनुसार, हे कुटुंब यवत पोलीस ठाण्याच्या हद्दीतील कुटुंबासह राहतात. त्यांच्या मुलीला हडपसर येथील कमरुद्दीन मुकीम शेख ( सय्यद नगर, हडपसर) हा गेल्या काही दिवसांपासून त्रास देत होता, त्यामुळे तिला यांनी घरून बाहेर जाण्यास मनाई केली होती. २ जुलै 2026 रोजी सकाळी 10:30 च्या सुमारास कमरुद्दीन अचानक पवार यांच्या घरात शिरला. त्याने जबरदस्तीने ओढत नेण्यास सुरुवात केली.
यावेळी मुलीच्यांया वडिलांनी पत्नीने आणि वडिलांनी मुलीला वाचवण्याचा प्रयत्न केला असता, आरोपीने पिस्तूल दाखवून त्यांना जीवे मारण्याची धमकी दिली. तसेच, वृद्ध आजोबांना तसेच यांना धक्काबुक्की करत मारहाण केली. आरोपीने तिच्या वडिलांना पत्नीला लाथ मारून अश्लील शिवीगाळ केली आणि लज्जास्पद वर्तन केले.
एवढेच नाही, तर नर्सरीच्या व्यवहारासाठी ठेवलेले 5,01,500 रुपये रोख आणि सात तोळे वजनाचे सोन्याचे गंठणही जबरदस्तीने चोरून नेले. तसेच आरोपीने मुलीला बाहेर उभ्या असलेल्या चारचाकी वाहनात बसवून तिचे अपहरण केले. यावेळी त्याच्यासोबत आणखी दोन अनोळखी इसम होते.
दरम्यान मुलीच्या वडिलांच्या तक्रारीवरून पोलिसांनी गुन्हा दाखल केला असून, पोलीस उपनिरीक्षक अक्षय मोरे अधिक तपास करत आहेत. या घटनेने परिसरात भीतीचे वातावरण निर्माण झाले असून, अपहरणकर्त्यांचा शोध घेण्यासाठी पोलीस प्रयत्न करत असून अधिक तपास सुरु आहे.
