Pune News पुणे: शरीरसौष्ठवासाठी मेफेनटरमाइन सल्फेट या इंजेक्शनची बेकायदा विक्री करण्यात आल्याचा प्रकार समोर आला आहे. (Pune News) याप्रकरणी एका ओैषध विक्रेत्याला गुन्हे शाखेच्या अमली पदार्थ विरोधी पथकाने बेड्या ठोकल्या. (Pune News) कोंढवा परिसरात ही कारवाई करण्यात आली. (Pune News)
बेकायदा गर्भपाताच्या गोळ्यांची विक्री
मंगेश पोपट नरूटे (वय ३३, रा. नऱ्हे, आंबेगाव) असे अटक करण्यात आलेल्या विक्रेत्याचे नाव आहे. ओैषध विक्रेत्याने बेकायदा गर्भपाताच्या गोळ्यांची विक्री केल्याचे आढळून आले आहे.
मिळालेल्या माहितीनुसार, नरुटे यांचे उंड्री येथे संगम मेडिकल अँड लॅब औषध विक्रीचे दुकान आहे. नरूटे शरीरसौष्ठवासाठी बेकायदा इंजेक्शनची विक्री करत असल्याची माहिती गुन्हे शाखेच्या अमली पदार्थ विरोधी पथकाला मिळाली.
बनावट ग्राहकाच्या माध्यमातून पोलिस आणि अन्न व औषध प्रशासनाच्या (एफडीए) पथकाने खात्री करून दुकानात छापा टाकला. तेथून मेफेनटरमाइन सल्फेट इंजेक्शनच्या आठ बाटल्या, गर्भपाताच्या गोळ्यांची सात पाकिटे जप्त केली. खरेदीची पावती जप्त करण्यात आली असून, तपास करण्यात येत आहे. झटपट शरीर कमाविण्यासाठी या बेकायदा इंजेक्शनचा वापर होत असल्याचे तपासात आढळून आले आहे. इंजेक्शनचे दुष्परिणाम होण्याची शक्यता जास्त असल्याचे ‘एफडीए’च्या वतीने सांगण्यात आले.
