Pune News : पुणे : भोर तालुक्यातील भाटघर धरणात बुडून हडपसर येथील एका तरुणाचा मृत्यू झाल्याची धक्कादायक घटना घडली आहे. हि घटना धरणाच्या उत्तर बाजूकडील काठावरील नऱ्हे गावच्या हद्दीत शनिवारी (ता.२) दुपारी तीन वाजण्याच्या सुमारास घडली आहे.
नऱ्हे गावच्या हद्दीतील घटना
आदित्य अशोक केदारी (वय २४, हांडेवाडी ससाणेनगर, हडपसर) असे मृत्यू झालेल्या तरुणाचे नाव आहे.
याबाबत राजगड पोलिसांनी दिलेल्या माहितीनुसार, हडपसर-ससाणेनगर दोन तरुणी व दोन तरुण दुचाकीवरून भोर परिसरात फिरण्यासाठी आले होते. (Pune News) तरुणी आयटी क्षेत्रात काम करीत आहेत तर एकजण सध्या शिक्षण घेत आहे. आदित्य हा शेफ म्हणून काम करीत होता.
दरम्यान, शनिवारी सुट्टी असल्याने दोन मुलं आणि दोन मुली भाटघर धरणाच्या बॅक वॉटर येथे पर्यटनासाठी गेले. नऱ्हे गावाजवळ चौघेही धरणाच्या काठावर पाण्यात पाय सोडून बसले होते. परंतु आदित्यचा तोल जाऊन तो पाण्यात बुडाला. (Pune News) ग्रामस्थ आणि राजगड पोलिस ठाण्याच्या कर्मचाऱ्यांनी घटनास्थळी जाऊन शोधकार्य सुरू केले. सायंकाळी साडेपाचच्या सुमारास आदित्यचा मृतदेह पाण्याबाहेर काढण्यात आला.
अधिक बातम्या वाचण्यासाठी येथे क्लिक करा :
Pune News : अखेर गौतमी पाटील धावली वडिलांच्या मदतीला ; पुण्यात वडिलांवर होणार उपचार
Pune News : …अखेर तोतया लष्कर अधिकाऱ्याला पुणे लोहमार्ग पोलिसांनी पकडले
