पुणे : पुण्यात दिवाळीच्या मुहूर्तावर पावसाने हजेरी लावली आहे. अवकाळी पावसामुळे नागरीकांची चांगलीच धावपळ झाली. आज शुक्रवारी सायंकाळच्या वेळी शहरातील काही भागात मुसळधार पाऊस झाला आहे. अचानक आलेल्या पावसाने नागरिकांची चांगलीच तारांबळ उडाली. आज सकाळपासूनच ढगाळ वातावरण दिसत होतं. सायंकाळी ५ वाजण्याच्या सुमारास पुण्यातील काही भागात मुसळधार पाऊस झाला.
‘या’ भागात मुसळधार
पुणे शहरातील बिबवेवाडी, बालाजी नगर, धनकवडी, कात्रज, आंबेगाव, नर्हे, कोंढवा, कोथरुड, वडगाव, सिंहगड रस्ता
या भागात मुसळधार पाऊस झाला.
राज्यात दोन ते तीन दिवसापासून पाऊस
राज्यात मागील काही दिवसांपासून पावसाने हजेरी लावलेली आहे. ऐन दिवाळीत मुंबई आणि परिसरात अवकाळी पावासमुळे नागरिकांची चांगलीच तारांबळ उडाली आहे. त्यातच आज पुण्यात देखील पावसाने हजेरी लावली आहे.
