हनुमंत चिकणे :
उरुळी कांचन (पुणे) : येथील हर्ष जगताप या वीस महिण्याच्या बाळाच्या मृत्युनंतर, उरुळी कांचन येथील प्राथमिक आरोग्य केंद्रांच्या गलथान कारभारामुळे मंगळवारी (ता. 23) रोजी तब्बल सात तासाहुनही अधिक काळ त्याच्या मृतदेहाचे शवविच्छेदन (Postmortem)होऊ न शकल्याची धक्कादायक बाब पुढे आली होती. या प्रकरणी दोषी असलेल्या उरुळी कांचन प्राथमिक आरोग्य केंद्रांच्या तीन वैधकीय अधिकाऱ्यांना जिल्हा परीषद प्रशासनाने बुधवारी कारणे दाखवा नोटीसा बजावल्या आहेत. (Uruli Kanchan News)
फौजदारी गुन्हे दाखल करण्याची मागणी..
डॉ. सुचिता कदम, डॉ. संदीप सोनवणे व डॉ. नम्रता नंदे ही त्या नोटीसा बजावलेल्या वैधकिय आरोग्य अधिकाऱ्यांची नावे आहेत. उरुळी कांचन प्राथमिक आरोग्य केंद्रांच्या वरील तीन वैधकिय अधिकाऱ्यांना कारणे दाखवा नोटीसा बजावण्याऐवजी, वरील तीन अधिकाऱ्यांना पाठीशी घालणाऱ्या हवेली पंचायत समितीच्या आरोग्य अधिकाऱ्यासह, डॉ. सुचिता कदम, डॉ. संदीप सोनवणे व डॉ. नम्रता नंदे या तिघांनाही तात्काळ निलंबित करण्याबरोबरच, वरील चौघांच्यावरही फौजदारी गुन्हे दाखल करण्याची मागणी उरुळी कांचन ग्रामस्थांनी केली आहे. (Uruli Kanchan News)
तर दुसरीकडे हर्ष जगताप यांच्या मृतदेहाची हेळसांड होण्यास कारणीभुत ठरलेल्या डॉ. सुचिता कदम, डॉ. संदीप सोनवणे व डॉ. नम्रता नंदे या तिनही वैधकिय अधिकाऱ्यांची खातेनिहाय चौकशी बरोबरच, वरील तिघांनाही सेवेतुन तात्काळ बडतर्फ करण्याची मागणी भारतीय जनता पक्षाच्या व्यापारी आघाडीचे (पश्चिम महाराष्ट्र) अध्यक्ष विकास जगताप व उरुळी कांचन भारतीय जनता पक्षाचे शहराध्यक्ष अमित कांचन यांनी केली आहे. वरील मागणीसाठी पुढील दोनच दिवसात पालकमंत्री चंद्रकांतदादा पाटील व जिल्हाधिकारी डॉ. राजेश देशमुख यांची भेट घेणार असल्याची घोषना विकास जगताप व अमित कांचन यांनी केली आहे. (Uruli Kanchan News)
उरुळी कांचन येथील एका इमारतीच्या पाण्याची टाकीत बुडुन हर्ष जगताप याचा मंगळवारी (ता. 23) रोजी सायंकाळी मृत्यु झाला होता. हर्षच्या नातेवाईकांनी हर्षला उरुळी कांचन येथील प्राथमिक रुग्णालयात नेले. मात्र त्या ठिकाणी एकही डॉक्टर उपलब्द नसल्याने, हर्षचा मृतदेह तीन तासाहुन अधिक काळ प्राथमिक आरोग्य केंद्रात पडुन होता. या तीन तासाच्या काळात पत्रकार सुनिल जगताप यांच्यासह अनेकांनी डॉक्टरांना फोन करुनही, तीनपैकी एकाही डॉक्टरांनी फोन न उचलल्याने हर्ष जगताप याच्या नातेवाईकांना मोठ्या अडचणींचा सामना करावा लागला होता.
विशेष बाब महिण्याला लाखोंचा पगार घेणारे व उरुळी कांचन प्राथमिक आरोग्य केंद्रात काम करणाऱ्या डॉ. कदम व डॉ. सोनवणे हे दोघांचीही अधिकृत रजा मंजुर नसतांही दोघेही सुट्टीवर गेले होते. तर त्यांनी परस्पर चार्ज दिलेल्या पेरणे प्राथमिक आरोग्य केंद्राच्या आरोग्य अधिकारी डॉ. नम्रता नंदे यांनीही डॉ. कदम व डॉ. सोनवणे या दोघांच्या प्रमानेच बेकायदा दांडी मारल्याचे पुढे आले आहे.
शवविच्छेदन (Postmortem) दिंरगाई प्रकरणी जिल्हाधिकाऱ्यांना भेटणार- विकासदादा जगताप…
याबाबत बोलताना भारतीय जनता पक्षाच्या व्यापारी आघाडीचे (पश्चिम महाराष्ट्र) अध्यक्ष विकास जगताप म्हणाले, हर्ष जगताप या चिमुकल्याबाबत मंगळवारी सायंकाळी उरुळी कांचन प्राथमिक आरोग्य केंद्रात झालेला प्रकार अतीशय निंदनीय आहे. उरुळी कांचन प्राथमिक आरोग्य केंद्रातील दोन्ही वैधकिय अधिकारी रजा मंजुर नसतांनाही आठ-आठ दिवस गैरहजर राहतात ही बाब अतीशय निंदनीय व आरोग्य खात्याला काळीमा फासणारी आहे. उरुळी कांचन येथील दोन्ही वैद्यकीय अधिकारी बेकायदा सुट्टीवर असतांना, त्यांच्याजागी आलेला डॉक्टरही गैरहजर राहतो हीबाब त्याहुनही अधिक चिंताजनक आह. यामुळे उरुळी कांचन प्राथमिक आरोग्य केंद्रांच्या एकुनच कारभाराची चौकशी करण्याची गरज निर्माण झाली आहे.
