इम्रान आत्तार
भोर प्रतिनिधी : भोर तहसील कार्यालय परिसरात आज अचानक झाड कोसळल्याची घटना घडली. या दुर्घटनेत एका वाहनाचे नुकसान झाले असून एका महिला जखमी झाल्याची प्राथमिक माहिती समोर आली आहे.
मिळालेल्या माहितीनुसार, तहसील कार्यालय परिसरातील एक मोठे झाड अचानक कोसळले. झाड कोसळताच परिसरात एकच धावपळ उडाली. झाडाच्या फांद्या आणि खोड खाली उभ्या असलेल्या वाहनावर पडल्याने वाहनाचे नुकसान झाले. तसेच या घटनेत एक महिला जखमी झाली असून तिला उपचारासाठी रुग्णालयात दाखल करण्यात आल्याची माहिती मिळत आहे.
घटनेची माहिती मिळताच तहसील कार्यालयातील कर्मचारी, स्थानिक नागरिक तसेच संबंधित यंत्रणा घटनास्थळी दाखल झाली. झाड हटविण्याचे काम तातडीने हाती घेण्यात आले असून परिसरातील वाहतूक आणि नागरिकांच्या सुरक्षेच्या दृष्टीने खबरदारी घेण्यात येत आहे.
दरम्यान, जखमी महिलेची प्रकृती स्थिर असल्याचे सांगितले जात असून घटनेबाबत अधिकृत माहिती येणे अद्याप बाकी आहे. या घटनेमुळे तहसील कार्यालय परिसरात काही काळ गोंधळाचे वातावरण निर्माण झाले होते. या प्रकरणी अधिक माहिती प्रतीक्षेत असून पुढील तपशील लवकरच उपलब्ध होणार आहेत.
