अक्षय टेमगिरे
रांजणगाव गणपती : शिरूर तालुक्यातील सातकरवाडी शाळेत सर्व विद्यार्थ्यांचे शालेय साहित्य देऊन प्रवेशोत्सव साजरा करण्यात आला आहे. खरं तर शाळा म्हंटल की, आपसूकच अभ्यास आलाच पण आज शाळेचा पहिलाच दिवस असल्याने मुलांच्या चेहऱ्यावर अभ्यासाचे टेन्शन दिसत नव्हते. आजपासून २०२५-२६ या शैक्षणिक वर्षातील शाळा सुरू झाल्या आहेत.
गेले दीड-दोन महिन्यांची उन्हाळी सुट्टी संपल्यानंतर अनेक शाळा आजपासून सुरू झाल्या त्यामुळे इतके दिवस ओस पडलेल्या शाळा आज गजबजल्या. नवे वर्ग नवे मित्र-मैत्रिणी नवा अभ्यास नवा गणवेश, नवे दप्तर घेऊन मुले सकाळी शाळेत निघाली. तसेच नवे साहित्य घेऊन नवा ध्यास मनात घेऊन विद्यार्थी आपल्या पालकांच्या मदतीने शाळेत पोचले.
शाळेचा हा पहिला दिवस चैतन्यमय आणि उत्साहवर्धक व्हावा यासाठी शालेय मार्गदर्शक केंद्रप्रमुख रामदास विश्वास साहेब यांनी शाळेत जाऊन विद्यार्थ्यांचे स्वागत केले. नवीन शैक्षणिक वर्षात शाळेचा प्रारंभ हा चैतन्यमय आणि उत्साहवर्धक झाल्यास शिक्षक आणि विद्यार्थ्यांना शिक्षण क्षेत्रातील गुणात्मक वाटचालीसाठी गती मिळते, असे सर्व पालकांना वाटत असून शाळेच्या आवारात पोहोचल्यावर शाळेचे मार्गदर्शक केंद्रप्रमुख रामदास विश्वास साहेब, मुख्याध्यापक लक्ष्मण जाधव, शिक्षक पोपट रासकर, शाळा व्यवस्थापन समिती अध्यक्ष संतोष सातकर, ग्रामस्थ व पालकांनी प्रवेशद्वाराजवळच थांबून. प्रवेशद्वारातून आत येणाऱ्या विद्यार्थ्यांचे हसून स्वागत केले. यावेळी सुरेश सातकर, यांनी लेखन साहित्य व पेन, पेन्सिल,खोडरबर, वह्या, इत्यादी साहित्य दिले असून रणजीत सातकर, यांनी शाळेसाठी दोन ब्लॅकबोर्ड दिले आहेत.
मुख्याध्यापक लक्ष्मण जाधव
तुमच्या प्रत्येकामध्ये विविध कुवती आहेत. कुणाची तार गणितात जुळते, तर कुणाची नृत्यात ! कुणाची खेळाच्या मैदानात, तर कुणाची चित्रकलेच्या वर्गात ! दुर्दैवाने अभ्यास, परीक्षा, मार्क यांच्यापाठी पळणाऱ्या पालकांकडून आणि काही शाळांमधून या गोष्टींना तितकंसे महत्त्व दिले जात नाही. जेव्हा दिले जाईल तेव्हा त्यामध्ये मुलांना निखळ आनंद उपभोगण्याऐवजी यशाचे शिखर गाठणे तितकेच शक्य होईल.
