शिरूर तालुक्यातील ढोकसांगवी येथे आरक्षण सोडत पूर्ण: ९ पैकी ५ जागा महिलांसाठी राखीव

पोपटराव पाचांगे

रांजणगाव गणपती: शिरुर तालुक्यातील राजकीयदृष्ट्या महत्वाच्या समजल्या जाणाऱ्या ढोकसांगवी येथील तीन प्रभागातील नऊ जागांसाठी विशेष ग्रामसभेत काढलेल्या आरक्षण सोडतीत ५० टक्के आरक्षणनुसार महिलांसाठी नऊपैकी पाच जागा आरक्षित करण्यात आल्या.

पंचायत समितीचे जलसंधारण विभागाचे अधिकारी ज्ञानेश थोरात यांनी ग्रामसभेत सर्वांसमक्ष ही आरक्षण प्रक्रिया ग्रामस्थांसमोर स्पष्ट करत चक्राकार पद्धतीने आरक्षित केल्या.या ग्रामसभेस ग्रामपंचायत अधिकारी सदानंद फडतरे, सचिन वाळके आदीसह ग्रामस्थ उपस्थित होते.
ग्रामपंचायतीच्या सार्वत्रिक निवडणुकांसाठी झालेल्या आरक्षण सोडतीनंतर, गेली अडीच वर्ष निवडणुका न झाल्याने ग्रामपंचायत सदस्यांच्या जागाकरिता आरक्षण सोडत झाली, पण निवडणुका होणार का ? असा सवाल ग्रामस्थांनी उपस्थित केला.

 

प्रभागनिहाय आरक्षण –
प्रभाग एक – अनुसूचित जाती स्त्री, नागरिकांचा मागास प्रवर्ग व सर्वसाधारण स्त्री.
प्रभाग दोन – नागरिकांचा मागास प्रवर्ग स्त्री, सर्वसाधारण स्त्री व सर्वसाधारण.
प्रभाग – सर्वसाधारण स्त्री, सर्वसाधारण व सर्वसाधारण.