Pune News : पुणे : “ताकदवान नेत्यांना कमकुवत करण्याचे राजकारण भाजपने सातत्याने केलं आहे. अजितदादांची लोकांमध्ये जी इमेज आहे त्याला धक्का देण्याचं काम भाजपकडून करण्यात येत आहे. असा आरोप राष्ट्रवादीचे आमदार रोहित पवार यांनी भाजपावर केला आहे.
ताकदवान नेत्यांना कमकुवत करण्याचं राजकारण
निवृत्त आयपीएस मीरा बोरवणकरांनी अजित पवारांवर केलेल्या आरोपांवर बोलताना रोहित पवारांनी याप्रश्नी अजित पवारांची पाठराखण केली. पिंपरीमध्ये माध्यमांशी संवाद साधताना रोहित पवारांनी हे वक्तव्य केलं आहे.
यापुढे बोलताना रोहित पवार म्हणाले की, “ताकदवान नेत्यांना कमकुवत करण्याचं राजकारण भाजपने सातत्याने केलं आहे. अजितदादांची लोकांमध्ये जी इमेज आहे त्याला धक्का देण्याचं काम केलं जातंय. अचानक हा मुद्दा पुढे येणं, त्यावर लोकांमध्ये चर्चा होणं आणि अजित पवारांना उत्तर द्यावं लागणं हा त्याचाच भाग आहे का हे तपासावं लागेल. भाजपकडून अजितदादांची ताकद कमी करण्याचा प्रयत्न केला जात आहे असेही पवार म्हणाले.
