पुणे: महाराष्ट्रात बिबट्यांची संख्या झपाट्याने वाढत असून राज्यातील अनेक भागांमध्ये हे वन्यप्राणी मुक्तपणे संचार करताना दिसत आहेत. नुकताच पुणे विमानतळावर (Pune Leopard Attack) बिबट्याचा वावर दिसून आला होता. अलीकडील काही दिवसांत नागरी वस्त्यांमध्ये बिबट्यांच्या वावराच्या घटना वाढल्याने नागरिकांमध्ये भीतीचे वातावरण निर्माण झाले आहे. (How to protect yourself from a leopard attack)
नागरी व ग्रामीण वस्त्यांकडे सतत येऊ पाहणाऱ्या बिबट्यांमुळे अनेक ठिकाणी मनुष्यहानीच्या घटनाही घडल्या आहेत. विशेषतः ग्रामीण भागांत घरासमोर खेळणाऱ्या लहान मुलांना मोठा धोका निर्माण झाला आहे.
हेही वाचा: मांत्रिकाचं अल्पवयीन मुलीसोबत घृणास्पद कृत्य! बंद खोलीत नेऊन नग्न करत लिंबू कापला अन्…
उसतोडणीच्या हंगामात धोका अधिक
सध्या सुरू असलेल्या उसतोडणीच्या हंगामात बिबट्यांच्या हालचालीत मोठी वाढ झाली आहे. उंच उसाच्या पिकात लपण्यासाठी भरपूर जागा मिळत असल्याने बिबट्यांचा वावर वाढतो आणि उसतोडणीसाठी आलेल्या मजुरांवर हल्ले होण्याच्या घटना समोर येत आहेत. त्यामुळे बिबट्याच्या हल्ल्यापासून बचाव कसा करायचा ते जाणून घेऊ.
हेही वाचा: Shirur News: “शाळेत परिपाठ सुरु अन् अवघ्या शंभर फूटांवर बिबट्या; पुढे जे घडलं…
बिबट्यापासून ‘असा’ करा बचाव
बिबट्या अचानक नजरेस पडल्यास खालील गोष्टी लक्षात ठेवल्यास जीवितहानी टळू शकते:
1. घाबरू नका
भीती दाखवल्यास बिबट्याला हल्ला करणे सहज शक्य होते. शांत राहण्याचा प्रयत्न करा.
2. पळू नका
बिबट्या अतिशय वेगाने धावू शकतो. पळण्याचा प्रयत्न धोकादायक ठरू शकतो.
3. हात वर करून मोठ्याने ओरडा
बिबट्याकडे तोंड करून हात वर करा आणि जोरात आवाज करा. त्यामुळे आपण त्याच्यापेक्षा मोठे प्राणी आहोत, असा भास होऊन तो मागे हटण्याची शक्यता वाढते.
4. वाकू किंवा बसू नका
वाकल्यास किंवा बसल्यास आपण लहान आकाराचे प्राणी असल्याचा भ्रम निर्माण होतो आणि त्यामुळे हल्ल्याचा धोका वाढतो.
या मूलभूत सावध उपायांनी जीव वाचू शकतो.
हेही वाचा: Ajit Pawar: ..अन् अजित पवारांनी भर सभेत मागितली माफी ! असं काय बोलले? पहा Video…
टीप: सदर माहिती उपलब्ध स्त्रोतांच्या आधारे देण्यात आली आहे. ही माहिती केवळ जनजागृतीसाठी असून ‘पुणे प्राईम न्यूज’ यातून कोणताही दावा करीत नाही.
