लोणी काळभोर, ता. 20 : आधुनिक युगात वेळ वाचावा म्हणून (Loni Kalbhor News) अनेक जण ऑनलाईन appच्या माध्यमातून घरबसल्या सामान मागवीत आहेत. परंतु, तुम्ही ऑनलाईन सामान मागवीत असाल तर आताच सावध व्हा. अन्यथा तुम्हालाही पश्चाताप सहन करावा लागणार आहे. ब्लिंकिट या वेबसाईडवरून मागवलेल्या गुळाच्या ढेपेत चक्क विमलची पुडी आढळल्याची धक्कादायक प्रकार लोणी काळभोर (ता. हवेली) येथील एका ग्राहकाला मंगळवारी (ता.20) आला आहे. त्यामुळे ऑनलाईन सामान खरेदी करण्यापूर्वी विचार करण्याची वेळ आली आहे. (Latest Marathi News)
लोणी काळभोर येथील एका प्रतिष्टीत व्यक्तीने व्होल फार्म या कंपनीचा गुळ ब्लिंकिट या वेबसाईडवरून मागवला होता. गुळाची डिलिव्हरी मिळाल्यानंतर गुळ फोडून बारीक करण्याचे काम सुरु होते. गुळाची ढेप चिरल्यानंतर त्यामध्ये चक्क विमल गुटख्याची पुडी आढळून आली आहे. गुळात गुटख्याची पुडी आढळून आल्याने नागरिकांच्या सुरक्षेचा प्रश्न ऐरणीवर आला आहे. त्यामुळे अन्न व औषध प्रशासन संबंधित कंपनीवर कारवाई करावी. अशी मागणी संबंधित ग्राहकाने केली आहे.
