Pune Crime News : पुणे : लग्नाच्या वरातीत नाचताना झालेल्या किरकोळ वादाचे पर्यावसान भीषण हत्येत झाल्याची धक्कादायक घटना कात्रज भागात घडली आहे. जुन्या वादातून एका 24 वर्षीय तरुणावर तीक्ष्ण शस्त्राने वार करून त्याचा खून करण्यात आला. याप्रकरणी भारती विद्यापीठ पोलिसांनी अत्यंत गतीने तपास चक्रे फिरवत चार आरोपींना अटक केली आहे. Pune Crime News
तेजस दत्तात्रय पिलाणे (वय-24, रा. धनकवडी) असे खून झालेल्या तरुणाचे नाव आहे. तर विशाल दत्तात्रय खोपडे (वय-22), अभिषेक दिलीप खोपडे (वय-22), सचिन हरीचंद्र धुळे (वय-43), आदिनाथ शिवाजी कसबे (वय-19, सर्व रा. कात्रज) अशी अटक करण्यात आलेल्या चौघांची नावे आहेत. Pune Crime News
पोलिसांनी दिलेल्या माहितीनुसार, तेजस पिलाणे याचा मावस भाऊ केतन खोपडे याच्या लग्नाची वरात 14 मार्च रोजी वेल्हे तालुक्यातील कोंढवळे गावात निघाली होती. या वरातीत नाचण्यावरून तेजस आणि आरोपी विशाल खोपडे यांच्यात जोरदार वाद झाला होता. त्यावेळी तेजस आणि त्याच्या साथीदारांनी विशालला मारहाण केली होती. या अपमानाचा बदला घेण्यासाठी विशालने तेजसच्या खुनाचा कट रचला होता. Pune Crime News
शुक्रवारी मध्यरात्री तेजस पिलाणे हा कात्रज-देहूरोड बाह्यवळण मार्गावरून जात असताना, विशाल आणि त्याच्या साथीदारांनी त्याला वाटेत गाठले. काही कळायच्या आत आरोपींनी तेजसवर तीक्ष्ण शस्त्राने सपासप वार केले. रक्ताच्या थारोळ्यात पडलेल्या तेजसला पोलिसांनी तातडीने रुग्णालयात दाखल केले, मात्र उपचारादरम्यान त्याचा मृत्यू झाला. Pune Crime News
10 तासांत आरोपी जेरबंद
घटनेचे गांभीर्य ओळखून पोलीस उपायुक्त मिलिंद मोहिते आणि वरिष्ठ पोलीस निरीक्षक राहुलकुमार खिलारे यांच्या मार्गदर्शनाखाली पथकाने तातडीने शोधमोहीम राबवली. पसार झालेल्या चारही आरोपींना पोलिसांनी गुन्हा घडल्यानंतर अवघ्या 10 तासांच्या आत अटक केली आहे. Pune Crime News
