Pune News : पुणे, : पुणे शहरात वाहतुकीचे नियम धाब्यावर बसवून उलट्या दिशेने वाहन चालवण्याच्या प्रवृत्तीने आणखी एका निष्पाप नागरिकाचा बळी घेतला आहे. बिबवेवाडी-कोंढवा रस्त्यावर चुकीच्या बाजूने येणाऱ्या टेम्पोला वाचवण्याच्या नादात टँकर चालकाने अचानक ब्रेक दाबल्यामुळे झालेल्या अपघातात एका दुचाकीस्वाराचा चिरडून मृत्यू झाला. Pune News
मिळालेल्या माहितीनुसार, शनिवारी सकाळी साडेदहा वाजण्याच्या सुमारास बिबवेवाडी-कोंढवा रोडवरील प्रसिद्ध ‘कल्याण भेळ’ समोर हा अपघात घडला. अनिल सिताराम आल्हाट (वय-45, रा. संदेशनगर) हे आपल्या दुचाकीवरून जात होते. त्याच वेळी समोरून एक टेम्पो वाहतुकीच्या नियमांचे उल्लंघन करून उलट्या दिशेने वेगाने येत होता. Pune News
समोरून अचानक येणारा टेम्पो पाहून पाण्याचा टँकर चालवणारे निलेश लक्ष्मण पोटे यांनी तातडीने जोरात ब्रेक दाबला. टँकरचा वेग आणि अचानक लागलेला ब्रेक यामुळे दुचाकीस्वार अनिल आल्हाट यांचा ताबा सुटला आणि ते थेट टँकरच्या चाकाखाली आले. या भीषण अपघातात त्यांचा जागीच मृत्यू झाला. Pune News
मार्केटयार्ड पोलिसांनी या प्रकरणी टँकर चालक निलेश पोटे याला ताब्यात घेतले आहे. हा टँकर ‘राजू अकेला वॉटर सप्लायर्स’ यांचा असून रामचंद्र राठी यांच्या मालकीचा असल्याचे समजते. पोलिसांनी घटनास्थळाचा पंचनामा केला असून अपघाताला कारणीभूत ठरलेल्या उलट्या दिशेने येणाऱ्या टेम्पोचाही शोध घेतला जात आहे. Pune News
वाहतुकीच्या नियमांचे उल्लंघन ठरतेय जीवघेणे
शहरातील अनेक रस्त्यांवर केवळ थोडा वेळ वाचवण्यासाठी किंवा लांबचा वळसा टाळण्यासाठी चालक ‘शॉर्टकट’चा अवलंब करतात. मात्र, अशा प्रकारे उलट्या दिशेने वाहन चालवणे हे समोरील वाहन चालकांसाठी मृत्यूचा सापळा ठरत आहे. या घटनेमुळे परिसरात हळहळ व्यक्त होत असून, ट्रॅफिक पोलिसांनी उलट्या दिशेने येणाऱ्या वाहनांवर कठोर कारवाई करावी, अशी मागणी नागरिक करत आहेत. Pune News
