राहुलकुमार अवचट
यवत : बोरीपार्धी येथील वज्रेश्वरी हाईट्स सोसायटीत घरफोडी करून १ लाख ४० हजारांचे दागिने चोरीला गेल्याची धक्कादायक घटना घडली आहे. ही घटना २१ डिसेंबरला रात्री २ वाजण्याच्या सुमारास घडली. याबाबत रूपाली गोरख दिवेकर यांनी यवत पोलीस ठाण्यात फिर्याद दिली असून अज्ञात व्यक्ती विरोधात गुन्हा दाखल करण्यात आला आहे.
मिळालेय अधिक माहितीनुसार, बोरीपार्धी गावच्या हद्दीतील वज्रेश्वरी हाईट्स सोसायटीतील बी. विंग मधील घर क्र. २०२ हे बंद होते. यावेळी दरवाजाचे कुलूप तोडून लोखंडी कपाटातील ८ ग्रॅम वजनाची सोन्याची अंगठी तसेच ४० सोन्याचे मनी, सव्वा तोळे वजनाची सोन्याची बोरमाळ असा एकूण १ लाख ४० हजार रुपयांचा मुद्देमाल चोरून नेला आहे.
याबाबत रूपाली गोरख दिवेकर यांनी यवत पोलीस स्टेशन येथे फिर्याद दिली असून अज्ञात व्यक्ती विरोधात गुन्हा दाखल करण्यात आला आहे. पुढील तपास यवत पोलीस स्टेशनचे पोलीस निरीक्षक हेमंत शेडगे यांच्या मार्गदर्शनाखाली पोलीस नाईक जाधव करत आहेत.
