पुणे: नाशिकमधील भोंदूबाबा अशोक खरात प्रकरणानंतर राज्यभरात अंधश्रद्धा आणि बुवाबाजीविरोधात संताप उसळताना दिसत आहे. त्याचे पडसाद आता पुणे जिल्ह्यातही उमटले असून, खेड तालुक्यातील (Khed News) एका घटनेने या रोषाला उघड रूप दिले आहे. पाईट-सावंतवाडी परिसरात एका वयोवृद्धाने दोन (Viral Video) तथाकथित भोंदूबाबांना रस्त्यातच मारहाण केल्याचा व्हिडिओ सध्या सोशल मीडियावर व्हायरल झाला आहे. (Latest Marathi News)
मिळालेल्या माहितीनुसार, या दोघांनी एका महिलेकडून विधीच्या नावाखाली सुमारे 5000 रुपये उकळल्याचा आरोप आहे. हा प्रकार समजताच संबंधित आजोबांनी त्यांना रस्त्यात गाठले. सुरुवातीला त्यांनी जाब विचारला आणि त्यानंतर संतापाच्या भरात हाताने आणि काठीने त्यांना मारहाण केली. व्हिडिओमध्ये दोन्ही भोंदूबाबा माफी मागताना दिसत असले, तरी आजोबांनी त्यांना धडा शिकवल्याचे स्पष्ट दिसते.
View this post on Instagram
या घटनेचा संदर्भ केवळ एका मारहाणीपुरता मर्यादित राहत नाही. खरात प्रकरणानंतर ग्रामीण भागात साधू-बुवांबाबतचा विश्वास डळमळीत झाला आहे. नवी मुंबई, नांदेड आणि आता पुण्यातही अशा प्रकरणांचा उलगडा होत असल्याने नागरिक अधिक सतर्क झाले आहेत. अंधश्रद्धेच्या नावाखाली फसवणूक करणाऱ्यांविरोधात लोक थेट आक्रमक होत असल्याचे चित्र दिसत आहे.
