बारामती : बारामती शहर पोलीस ठाण्याच्या हद्दीतील अवधूत नगर टी. सी. कॉलेज समोर पार्क केलेली 12 लाख 50 हजार रुपये किमतीची हयुन्दाई कंपनीची क्रेटा चारचाकी अज्ञात चोरट्याने चोरून नेल्याची घटना शुक्रवारी (ता. 30) पहाटे उघडकस आली आहे. दुचाकीपाठोपाठ आता मोटारींचीही चोरी झाल्याने बारामतीकरांमध्ये चिंतेचे वातावरण पसरले आहे.
याप्रकरणी अतुल शांतीलाल कोठारी (वय 51), धंदा कापड दुकान (रा. अवद्युत नगर बारामती ता. बारामती) यांनी शहर पोलीस ठाण्यात फिर्याद दिली आहे. त्यानुसार अज्ञात चोरट्याच्या विरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, वधूतनगरमधील अतुल शांतिलाल कोठारी यांची ह्युंडाई क्रेटा पहाटे साडेतीनच्या सुमारास राहत्या घरासमोरून चोरट्यांनी सुरु करून चोरुन नेली. तसेच, सुनील दत्त सुभाषचंद्र वैद्य यांच्या ह्युंडाई क्रेटा मोटारीच्या दोन्ही नंबरप्लेट चोरट्यांनी चोरुन नेल्याचीही घटना घडली आहे.
दरम्यान, सुनील दत्त सुभाषचंद्र वैद्य यांच्या ह्युंडाई क्रेटा मोटारीच्या दोन्ही नंबरप्लेट चोरट्यांनी चोरुन नेल्याचीही घटना घडली आहे. तसेच समकित कोठारी याचे कागदपत्रे ही कोणीतरी अनोळखी चोरटयाने संमती शिवाय लबाडीचे इरादयाने चोरी करून नेली आहे. याप्रकरणी शहर पोलीस ठाण्यात गुन्हा दाखल करण्यात आला आहे. तपास पोलीस हवालदार खेडकर करीत आहे.
