पुणे: पुण्यातील प्रतिष्ठित तरुण व्यावसायिक केतन अग्रवाल याच्या मृत्यूने संपूर्ण महाराष्ट्राला हादरवून सोडले आहे. सुरुवातीला हा एक अपघात असल्याचे भासवले गेले, मात्र पोलिसांच्या सखोल तपासानंतर हे एक नियोजित हत्याकांड असल्याचे समोर आले आहे. याप्रकरणी केतनची होणारी पत्नी सिया गोयल आणि तिचा प्रियकर चेतन चौधरी यांना पोलिसांनी अटक केली असून, त्यांच्या या क्रूर कृत्यामागील कारण ऐकून सर्वांनाच धक्का बसला आहे.
तपासातून समोर आले आहे की, सियाला केतनशी लग्न करण्याची अजिबात इच्छा नव्हती. केतनला टक्कल असल्यामुळे तो केसांचा विग वापरत असे, ही गोष्ट सियाला अजिबात आवडत नव्हती. केतनला ट्रेकिंगची आवड होती, हे ओळखून दोन्ही आरोपींनी केतनला लोहगड किल्ल्यावर नेऊन त्याला किल्ल्यावरून ढकलले.
सिया गोयल तुरुंगात असून, तिच्या कृत्यामुळे तिला कोणीही भेटायला आले नाही. दुसरीकडे, तिचा प्रियकर चेतन चौधरी याला भेटण्यासाठी मात्र त्याचे कुटुंबीय तुरुंगात आले होते. सध्या पोलीस या प्रकरणाचा पुढील तपास करत आहेत.
