पुणे: पुणे जिल्ह्यातील दौंड (Daund News) तालुक्यातून गुरुवारी एक अतिशय (Pune Crime) धक्कादायक आणि संतापजनक घटना समोर आली आहे. पारगाव येथील एका शाळेत विज्ञान प्रदर्शनाची तयारी करत असलेल्या अल्पवयीन विद्यार्थिनीचा विनयभंग केल्याप्रकरणी एका शिक्षकावर गुन्हा दाखल करण्यात आला आहे. या घटनेमुळे शैक्षणिक क्षेत्रात मोठी खळबळ उडाली असून पालकांमध्ये संतापाचे वातावरण निर्माण झाले आहे. यवत पोलिसांनी या प्रकरणी तातडीने कारवाई करत संबंधित शिक्षकाविरुद्ध गुन्हा नोंदवला आहे. (Latest Marathi News)
मुलीच्या शेजारी बसला अन्
मिळालेल्या माहितीनुसार, ही घटना 18 डिसेंबर रोजी दुपारी 1 वाजण्याच्या सुमारास घडली. पीडित मुलगी ही केवळ 13 वर्षे 8 महिने वयाची असून ती शाळेत शिक्षण घेत आहे. शाळेत लवकरच विज्ञान प्रदर्शन आयोजित केले जाणार असल्याने त्याची तयारी करण्यासाठी ही मुलगी आणि तिच्या इतर 5 ते 6 मैत्रिणी वर्गात काम करत होत्या. यावेळी शाळेतील शिक्षक प्रशांतकुमार हरिचंद्र गावडे हे वर्गात आले. त्यांनी पीडित मुलीचा उजवा हात धरला आणि आपण दोघे मिळून या प्रदर्शनातील विजेत्यांचे नंबर ठरवू असे म्हटले. त्यानंतर त्यांनी मुलीच्या शेजारी बाकावर बसून तिचा विनयभंग केला, असा आरोप पीडित मुलगी आणि तिच्या पालकांनी दिलेल्या तक्रारीत केला आहे. (Marathi News)
पहिले फूस लावून अपहरण मग अत्याचार; शिरूरमधल्या पीडितेला अखेर मिळाला न्याय, आरोपीला कठोर शिक्षा
घाबरलेल्या मुलीची पालकांना माहिती
या गंभीर प्रकारानंतर घाबरलेल्या मुलीने आपल्या पालकांना सर्व माहिती दिली. पालकांनी वेळ न घालवता यवत पोलीस स्टेशन गाठून तक्रार दिली. पोलिसांनी या तक्रारीची दखल घेत आरोपी शिक्षक प्रशांतकुमार गावडे याच्याविरुद्ध बालकांचे लैंगिक अत्याचार संरक्षण कायदा म्हणजेच पोक्सो कलम 8 व 13 अंतर्गत गुन्हा दाखल केला आहे. तसेच पीडित मुलगी मागासवर्गीय असल्याने आरोपीविरुद्ध अनुसूचित जाती व अनुसूचित जमाती अत्याचार प्रतिबंध कायद्यानुसारही गुन्ह्याची नोंद करण्यात आली आहे. (Marathi Batmya)
पोलिसांचा तपास सुरु…
यवत पोलीस स्टेशनचे पोलीस हवालदार वलेकर यांनी याप्रकरणी गुन्हा दाखल करण्याची प्रक्रिया पूर्ण केली. घटनेचे गांभीर्य लक्षात घेता या प्रकरणाचा तपास दौंड उपविभागाचे उपविभागीय पोलीस अधिकारी बापूराव दडस स्वतः करत आहेत. शाळेसारख्या पवित्र ठिकाणी जिथे मुले शिक्षणासाठी येतात, तिथेच शिक्षकाने असे कृत्य केल्यामुळे सर्व स्तरांतून आरोपीवर कडक कारवाई करण्याची मागणी होत आहे. पोलीस आता या प्रकरणात पुढील पुरावे गोळा करत असून आरोपीला कडक शिक्षा व्हावी यासाठी तपास यंत्रणा वेगाने काम करत आहे.
