यवत : जिल्हा परिषद प्राथमिक शाळेतील विदयार्थ्यांसाठी क्लीन सायन्स टेक्नॉलॉजी, कुरकुंभ या कंपनीतर्फे यवत क्र. १ शाळेस सी एस आर फंडातून ११० बेंचेस भेट देण्यात आले आहेत.
शाळेच्या पहिल्या दिवशी विद्यार्थ्यांचे स्वागत व बेंच वाटप कार्यक्रमाचे आयोजन करण्यात आले होते. या कार्यक्रमाचे उद्घाटन क्लीन सायन्स कंपनीचे एच. आर. विठ्ठल थोरात, जि.प पुणेचे शिक्षण विभागाचे विस्तार अधिकारी गोरक्षनाथ हिंगणे, यवत गावचे सरपंच समीर दोरगे, उपसरपंच सुभाष यादव, दौंड पंचायत समितीचे माजी सदस्य कुंडलिक खुटवड, ग्रामपंचायत सदस्य इम्रान तांबोळी यांचे हस्ते करण्यात आले.
जिल्हा परिषद प्राथमिक शाळा क्र. १ चे रामभाऊ दोरगे यांनी प्रास्ताविक केले व शाळेला बेंच वाटप केल्याबद्दल क्लीन सायन्स कंपनीचे आभार व्यक्त केले तसेच शाळेच्या पहिला दिवस असल्याने सर्व विद्यार्थ्यांचे स्वागत केले यावेळी प्रशांत शितोळे यांनी सूत्रसंचालन व शिक्षक मल्लीनाथ शिंगे यांनी सर्वांचे आभार व्यक्त केले.
पहिलीच्या विद्यार्थ्यांचे गुलाब पुष्प, खाऊ देत ढोल ताशाच्या गजरात स्वागत!
आज शाळेचा पहिला दिवस असल्याने जिल्हा परिषद यवत येथील शाळा क्रमांक १ व २ या दोन्ही शाळेत इयत्ता पहिलीच्या विद्यार्थ्यांचा प्रवेशोत्सव, नवागतांचे स्वागत ढोल ताशांच्या गजरात करण्यात आले, विद्यार्थ्यांना मोफत पाठ्यपुस्तके, गणवेश वाटप करण्यात आले. इ. १ ली च्या नवीन दाखल मुलांना गुलाब पुष्प, खाऊवाटप व फुगे देऊन उत्साहात स्वागत करण्यात आले.
यावेळी यवत केंद्राचे केंद्रप्रमुख सोमनाथ गायकवाड व कोथंबीरे, मुख्याध्यापक रामभाऊ दोरगे, विषयतज्ञ सोमनाथ बंड, प्रशांत शितोळे, संजय कुंजीर, गणेश खेडेकर, मल्लीनाथ शिंगे, धाया काळे यांसह शिक्षक वर्ग, विद्यार्थी, पालक मोठ्या संख्येने उपस्थित होते.
