अक्षय टेमगिरे
शिक्रापूर: शिरूर तालुक्यातील शिक्रापूर पोलीस स्टेशनचे पोलीस निरीक्षक चंद्रशेखर यादव यांच्या पुढाकाराने संपूर्ण कर्मचाऱ्यांसह स्वतः पोलीस ठाण्याची स्वच्छता मोहीम नागरिकांकडून कौतुकाचा वर्षाव
शिक्रापूर पोलीस स्टेशनचे नवनियुक्त पोलीस निरीक्षक चंद्रशेखर यादव यांनी पदभार स्वीकारल्यानंतर स्वच्छता, शिस्त आणि कार्यक्षमतेचा नवा आदर्श निर्माण करत संपूर्ण पोलीस ठाण्याची स्वच्छता मोहीम राबवली आहे.
विशेष म्हणजे या मोहिमेत त्यांनी स्वतः सर्व अधिकारी व कर्मचाऱ्यांसह प्रत्यक्ष सहभाग घेत पोलीस ठाण्याचा परिसर स्वच्छ व नीटनेटका करण्याचा उपक्रम हाती घेतला असून.
ही मोहीम केवळ पोलीस ठाण्याच्या साफसफाईपुरती मर्यादित नसून, शिस्तबद्ध आणि पारदर्शक पोलीस प्रशासनाची सुरुवात असल्याची भावना नागरिकांमधून व्यक्त होत आहे. स्वच्छ परिसर, व्यवस्थित कार्यालयीन व्यवस्था आणि सकारात्मक कार्यसंस्कृती यांचा संदेश या उपक्रमातून देण्यात आला आहे.
आजपर्यंत अशा प्रकारे संपूर्ण कर्मचारी वर्गाला सोबत घेऊन पोलीस ठाण्याची स्वच्छता मोहीम राबविल्याचे उदाहरण दुर्मिळ असल्याने यादव यांच्या कार्यपद्धतीचे सर्व स्तरांतून कौतुक होत आहे. स्वच्छ पोलीस ठाणे म्हणजे जनतेसाठी विश्वासाचे केंद्र ही संकल्पना त्यांनी प्रत्यक्ष कृतीतून दाखवून दिली आहे.
स्थानिक नागरिकांनीही या उपक्रमाचे स्वागत करत, पोलीस ठाण्यात सुरू झालेली ही स्वच्छतेची मोहीम काही दिवसात संपूर्ण हद्दीत कायदा व सुव्यवस्था अधिक मजबूत करण्यासाठी महत्त्वाची ठरेल असा विश्वास व्यक्त केला आहे.
तसेच परिसरातील अवैध व्यवसाय, गैरप्रकार आणि गुन्हेगारी प्रवृत्तींवरही प्रभावी कारवाई होऊन शिक्रापूर पोलीस स्टेशन हद्द अधिक सुरक्षित आणि गुन्हेमुक्त होईल, अशी अपेक्षा नागरिकांनी व्यक्त केली आहे.
पोलीस निरीक्षक चंद्रशेखर यादव यांच्या नेतृत्वाखाली सुरू झालेल्या या उपक्रमामुळे शिस्त, स्वच्छता आणि जनतेप्रती उत्तरदायित्व यांचे नवे पर्व शिक्रापूर पोलीस ठाण्यात सुरू झाल्याची चर्चा सध्या सर्वत्र होत आहे. स्वच्छ पोलीस ठाणे, सुरक्षित समाज हा संदेश देत यादव यांनी कृतीतून आदर्श निर्माण केला आहे.
