राहुलकुमार अवचट
यवत : भारतरत्न, महामानव, घटनेचे शिल्पकार डॉ. बाबासाहेब आंबेडकर यांची जयंती सर्वत्र साजरी होत असताना यवत येथे विश्वरत्न डॉ. बाबासाहेब आंबेडकर यांची जयंती दरवर्षीप्रमाणे यंदाही उत्साहात साजरी करण्यात आली. भारतीय राज्यघटनेचे शिल्पकार डॉ.बाबासाहेब आंबेडकर यांची १३५ वी जयंती कार्यक्रमाचे आयोजन पंचशील तरुण मंडळ व संविधान विचार मंच यांच्या वतीने करण्यात आले होते.
कार्यक्रमाची सुरुवात डॉ.आंबेडकर यांच्या प्रतिमेचे पूजन व पुष्पहार अर्पण करून करण्यात आली. यवत येथील भीमनगर सांस्कृतिक भवन व ग्रामपंचायत कार्यालय, आनंदग्राम सोसायटी येथे प्रतिमेचे पूजन करण्यात आले यावेळी अनेकांनी डॉ. बाबासाहेब आंबेडकर यांच्या देशासाठी केलेल्या बहुमूल्य कार्याची माहिती दिली.
ग्रामविकास अधिकारी बालाजी सरवदे, ग्रामीण रुग्णालयाचे राहुल गेवारे यांनी मनोगत व्यक्त केले. यवत ग्रामपंचायतच्या वतीने भीम नगर येथे नव्याने उभारण्यात आलेल्या विश्वरत्न डॉ. बाबासाहेब आंबेडकर सांस्कृतिक भवनाच्या बांधकामाबद्दल ग्रामपंचायत प्रशासनाचे व ग्रामस्थांच्या आभार व्यक्त करण्यात आले.
यावेळी यवत ग्रामपंचायतचे सरपंच समीर दोरगे,उपसरपंच सुभाष यादव, जिल्हा परिषद सदस्य अविनाश कुदळे , झोपडपट्टी सुरक्षा दलाचे जिल्हाध्यक्ष दत्ता डाडर, वंचित बहुजन आघाडीचे नेते उत्तमराव गायकवाड. विद्या विकास विद्यालय मुख्याध्यापक सतीश सावंत. पशुसंवर्धन विभागाचे डॉ संतोष बडेकर यांसह विविध संघटनेचे पदाधिकारी, ग्रामपंचायतचे आजी – माजी सदस्य, महिला भगिनी, संविधान विचार मंच व पंचशील तरुण मंडळाचे कार्यकर्ते मोठ्या संख्येने उपस्थित होते.
