बापू मुळीक
पुरंदर : माळशिरस ( ता. पुरंदर) येथील वृद्ध शेतकऱ्यांनी राहत्या घरी गळफास घेऊन आत्महत्या केल्याची घटना घडली आहे. सर्जेराव रामचंद्र कदम असे आत्महत्या केलेल्या वृद्ध शेतकऱ्याचे नाव आहे. त्यांच्या पश्चात दोन विवाहित मुले व तीन मुली आहेत. ही घटना घडून तीन-चार ते दिवस झाले असल्याची माहिती मिळत आहे.
या घटनेबाबत त्यांचा थोरला मुलगा रघुनाथ सर्जेराव कदम यांनी जेजुरी पोलीस ठाण्यात तक्रार दाखल केली असून, फसवणूक करून आत्महत्येस प्रवृत्त केल्याची, चौकशी होऊन कारवाई करण्याबाबत मागणी करण्यात आली आहे. संबंधित तक्रार अर्ज बाबत जेजुरीचे सहाय्यक पोलीस निरीक्षक दीपक वाकचौरे यांच्याकडे माहिती घेतली असता, तक्रार अर्जानुसार तपासाला सुरुवात केली असल्याचे सांगण्यात आले.
