उरुळी कांचन, (पुणे) : राज्य उत्पादन शुल्क विभागात नोकरी लावून देण्याचे आमिष दाखवत अष्टापूर (ता. हवेली) येथील कुटुंबाची तब्बल 24 लाख 51 हजार रुपयांची फसवणूक केल्याचा प्रकार उघडकीस आला आहे. या प्रकरणी चार जणांविरोधात लोणीकंद पोलीस ठाण्यात विविध कलमान्वये गुन्हा दाखल करण्यात आला आहे. ही घटना जानेवारी 2023 ते 23 जुलै 2026 या दरम्यान पेरणे फाटा (ता. हवेली) तसेच इतर विविध ठिकाणी घडली आहे.
विक्रम बाळासो शेंडगे, वय 26, रा. आष्टापूर ता. हवेली असे फसवणूक झालेल्या तरुणाचे नाव आहे. तर सुरज रामदास शिवले (वय-35, वैष्णवी सुरज शिवले (28, दोघे रा. वखारीचा मळा, प्राथमिक शाळा, वढु बुद्रुक, ता. हवेली जि.पुणे), संतोष चंद्रकांत कटारे, (वय- 35, रा. कुलाबा, मुंबई व संतोष कटारे याचे ओळखीचा एक इसम, वय अंदाजे 30, नाव व पत्ता माहित नाही) अशी फसवणूक करणाऱ्या चौघांची नावे आहेत. याबाबत शेंडगे यांनी दिलेल्या तक्रारीनुसार चौघांवर लोणीकंद पोलीस ठाण्यात फसवणुकीसह विविध गुन्हे दाखल करण्यात आले आहे.
पोलिसांनी दिलेल्या माहितीनुसार, विक्रम शेंडगे हे अष्टापूर परिसरात कुटुंबासहित राहतात. पोलीस भरतीकरिता सन 2023 मध्ये वाघोली येथील प्रशिक्षण घेत असताना शेंडगे यांची ओळख अॅकॅडमीमधील क्लार्क वैष्णवी सुरज शिवले यांच्याशी झाली होती. वैष्णवी शिवले यांनी त्यांचे इंन्ट्राग्रामवर वनरक्षक गणवेशातील टाकलेली पोस्ट मी पाहिल्यामुळे व त्याठिकाणी असलेला तिचा पती सुरज शिवले याने वनरक्षक विभागात त्याची पत्नी वैष्णवी हिची नेमणुक झालेबाबत पत्र मला दाखविले होते.
राज्य उत्पादन शुल्क महाराष्ट्र राज्य विभागात जवान या पदाची भरती निघाल्याने मी सदर विभागात फॉर्म भरला व मी अर्ज भरलेबाबत वैष्णवी व सुरज शिवले यांना सांगितले होते. त्यानंतर त्यांनी मला परिक्षेमध्ये तुला जे प्रश्न येतात ते सोडव, जे येत नाहीत ते सोडून दे असे सांगितले होते. त्यानंतर सदर परिक्षेचा ऑनलाईन निकाल लागला होता. त्यामध्ये शेंडगे यांचे नाव नव्हते. यावेळी सुरज याने तुला नोकरी पाहिजे असल्यास तुला 25 लाख रूपये द्यावे लागतील असे सांगिगतले. त्यानंतर गावी जाऊन वडील व भाऊ यांच्याशी चर्चा करून वडीलोपार्जित एकुण जमीनीच्या 25 गुंठे ही जमीन 21 लाखांना विकली. वरील सर्व घटनेची चुलते भानुदास शेंडगे व प्रकाश पाटोळे यांना कल्पना होती.
दरम्यान, नोकरीचे अमिष दाखवून वडीलांकडून वेळोवेळी 24 लाख 51 हजार रक्कम घेऊन सदर रकमेचा अपहार करुन व विश्वासघात करित फसवणूक केल्याप्रकरणी विक्रम शेंडगे यांनी दिलेल्या तक्रारीनुसार चौघांवर लोणीकंद पोलीस ठाण्यात गुन्हा दाखल करण्यात आला आहे. तपास पोलीस उपनिरीक्षक बबन हराळ करीत आहेत.
