पुणे : येत्या वनडे वर्ल्ड कपच्या पार्श्वभूमीवर भारतीय संघाची तयारी आता खऱ्या अर्थाने सुरू होत आहे. वेस्ट इंडिजचा संघ दीर्घ कालावधीनंतर भारत दौऱ्यावर आला असून दोन्ही संघांमध्ये एकूण 8 सामने खेळवले जाणार आहेत. यामध्ये 3 एकदिवसीय (ODI) आणि 5 टी-20 (T20) सामन्यांचा समावेश आहे. भारतीय संघात रोहित शर्मा आणि विराट कोहली या दिग्गजांचे पुनरागमन झाल्याने क्रिकेट चाहत्यांमध्ये प्रचंड उत्साह पाहायला मिळत आहे.
वेस्ट इंडिजच्या खेळाडूंचे भारतात आगमन झाल्यानंतर भारतीय परंपरेनुसार जंगी स्वागत करण्यात आले. याचे खास फोटो वेस्ट इंडिज क्रिकेट बोर्डाने सोशल मीडियावर पोस्ट केले आहेत.
मालिकेचे वेळापत्रक आणि थेट प्रक्षेपण
या दौऱ्याची सुरुवात 3 सामन्यांच्या एकदिवसीय मालिकेपासून होईल. वनडे सामने दुपारी 2:00 वाजता सुरू होतील, तर सर्व टी-20 सामने संध्याकाळी 7:00 वाजता खेळवले जातील. क्रिकेटप्रेमींना हे सामने स्टार स्पोर्ट्सवर तर मोबाईलवर जीओ हॉटस्टार वर थेट पाहता येतील.
ODI मालिका: 27 September (पहिला सामना), 30 September (दुसरा सामना) आणि 3 October (तिसरा सामना).
T20 मालिका: 6 October (पहिला), 9 October (दुसरा), 11 October (तिसरा), 14 October (चौथा) आणि 17 October (पाचवा सामना).
पाहुण्या वेस्ट इंडिज संघाचे नेतृत्व दोन्ही फॉरमॅटमध्ये शाय होप करणार असून फलंदाज शिमरन हेटमायरचे टी-20 संघात पुनरागमन झाले आहे. भारतीय वनडे संघाची कमान शुभमन गिलकडे तर टी-20 संघाची धुरा श्रेयस अय्यरकडे सोपवण्यात आली आहे.
भारत (ODI): शुभमन गिल (कर्णधार), रोहित शर्मा, विराट कोहली, ऋतुराज गायकवाड, केएल राहुल, ध्रुव जुरेल, नितीश कुमार रेड्डी, रवींद्र जडेजा, कुलदीप यादव, प्रसिद्ध कृष्णा, गुरनूर ब्रार, मोहम्मद सिराज, अकीब नबी, यशस्वी जयस्वाल, नमन धीर.
भारत (T20): श्रेयस अय्यर (कर्णधार), अभिषेक शर्मा, वैभव सूर्यवंशी, इशान किशन, संजू सॅमसन, तिलक वर्मा, शिवम दुबे, कुलदीप यादव, अक्षर पटेल, वॉशिंग्टन सुंदर, रवी बिष्णोई, नितीश कुमार रेड्डी, अर्शदीप सिंग, प्रिन्स यादव, मयंक यादव.
वेस्ट इंडिज (ODI): शाय होप (कर्णधार), ज्वेल ऍन्ड्रयू, जॉन कॅम्पबेल, कीसी कार्टी, रोस्टन चेस, मॅथ्यू फोर्ड, जस्टिन ग्रीव्हस, आमिर जांगू, अल्झारी जोसेफ, शेमार जोसेफ, विटेल लॉज, गुडाकेश मोती, कीमो पॉल, शरफेन रदरफोर्ड, जेडेन सिल्स.
वेस्ट इंडिज (T20): शाय होप (कर्णधार), ज्वेल ऍन्ड्रयू, रोस्टन चेस, मॅथ्यू फोर्ड, शिमरन हेटमायर, अकील हुसैन, शमार जोसेफ, गुडाकेश मोती, कीमो पॉल, कमिल पूरन, रोव्हमन पॉवेल, शरफेन रदरफोर्ड, क्वेनटिन सॅम्पसन, रोमारियो शेफर्ड, शमार स्प्रिन्जर.
