आदित्य बोराटे
इंदापूर: इंदापुरात सोसाट्याच्या वादळाने अकलूज नाक्यावरील लोकशाहीर अण्णाभाऊ साठे यांच्या पुतळ्या शेजारील शॉपिंग सेंटरचे पत्रे उडून गेल्याने गाळेधारकांचे व परिसरातील काही वाहनांचेही नुकसान झाले असून एका कारवर पत्र्याचा अँगल कोसळल्याने तिच्या काचा फुटल्या. सुदैवाने या घटनेत कोणतीही जीवितहानी झाली नाही.
वाऱ्याचा वेग इतका प्रचंड होता की शॉपिंग सेंटरचे पत्रे अक्षरशः उखडून उडून गेले. दरम्यान या घटनेची माहिती मिळताच नगराध्यक्ष भरत शहा, उपनगराध्यक्ष बाळासाहेब ढवळे,मुख्याधिकारी रमेश ढगे यांनी तत्काळ धाव घेतली असून या घटनेचा पंचनामा करण्याच्या सूचना तलाठी पोळ यांना देत नगरपरिषद प्रशासनाने परिस्थिती पूर्वपदावर आणण्यासाठी तात्काळ मदत कार्य सुरू केले आहे.
यावेळी नगराध्यक्ष भरत शहा, उपनगराध्यक्ष बाळासाहेब ढवळे, मुख्याधिकारी रमेश ढगे, अतिक्रमण विभागाचे ज्ञानेश्वर तिकोंडे व कर्मचारी,नगरसेवक अक्षय सूर्यवंशी, उमेश मखरे, शुभम पवार, शकील सय्यद, विरोधी पक्षनेते अनिल पवार, नगरसेवक संजय शिंदे, गणेश राऊत,सामाजिक कार्यकर्ते स्वप्निल राऊत,आर्षद सय्यद, अजिंक्य जावीर, निखिल महाजन, मनोज राजगुरू, गौरव राऊत आदी उपस्थित होते.
