पोपट पाचंगे
रांजणगाव गणपती: शिरुर शहर व पंचक्रोशीचे आराध्य दैवत असलेल्या शिरुर ग्रामीण,ता. शिरुर येथील श्री रामलिंग महाराजांच्या दर्शनासाठी श्रावणी सोमवारनिमित्त भाविकांनी मोठी गर्दी केली होती,अशी माहिती देवस्थान ट्रस्टचे अध्यक्ष प्रकाश धारीवाल यांनी दिली.
यावेळी दर्शनासाठी आलेल्या भाविकांनी ‘ॐ नमः शिवाय,श्री रामलिंग महाराज की जय’ चा जयघोष केला. श्रावणी सोमवारनिमित्त पहाटे तीन वाजता देवस्थान ट्रस्टचे खजिनदार पोपटराव दसगुडे यांच्या हस्ते महापूजा झाल्यानंतर मंदिर भाविकांना दर्शनासाठी खुले करण्यात आले.पहिला श्रावणी सोमवार व नागपंचमी यामुळे भाविकांसह महिलांनी दिवसभर दर्शनासाठी मोठी गर्दी केली होती.
श्रावणी सोमवारमुळे भाविकांच्या गर्दीने मंदिर परिसराला यात्रेचे भव्य स्वरूप आले होते.भाविकांचे पावसापासून संरक्षण व्हावे म्हणून देवस्थानच्या वतीने कापडी मंडप व शुद्ध पिण्याच्या पाण्याची व्यवस्था करण्यात आली होती. देवस्थान ट्रस्टच्या वतीने मंदिर परिसराला विविध रंगी फुलांची आकर्षक सजावट करण्यात आली होती. शिरुरचे पोलिस निरीक्षक विनोद पाटील यांच्या मार्गदर्शनाखाली मंदिर व परिसरात चोख पोलिस बंदोबस्त ठेवण्यात आला होता.
