लोणी काळभोर, (पुणे) : ग्रामीण भागातील तरुण, शेतकरी आणि पशुपालकांना कुक्कुटपालन व्यवसायाच्या माध्यमातून स्वयंरोजगाराचा मार्ग दाखवण्यासाठी पूर्व हवेलीत एका विशेष शिबिराचे आयोजन करण्यात आले आहे. महाराष्ट्र शासनाच्या ‘मुख्यमंत्री ग्रामीण पशुधन उद्योजकता योजने’ अंतर्गत हे एक दिवसीय कुक्कुटपालन प्रशिक्षण शिबिर पार पडणार आहे.
पंचायत समिती हवेलीचे सभापती युवराज काकडे यांच्या विशेष प्रयत्नातून आणि पुढाकारातून या शिबिराचे आयोजन करण्यात आले असून, तालुक्यातील जास्तीत जास्त युवकांनी याचा लाभ घ्यावा. शनिवारी (ता. 27) सकाळी 9 ते सायंकाळी 5 वाजेपर्यत मॅजेस्टिक हॉटेल शेजारी, थेऊर फाटा, कुंजीरवाडी, ता. हवेली या ठिकाणी आयोजित करण्यात आले आहे. अधिक माहिती व नाव नोंदणीसाठी रामदास सर (९९२२८९०५०८) यांच्याशी संपर्क साधावा असे आवाहन करण्यात आले आहे.
आजच्या काळात शेतीला पूरक व्यवसाय म्हणून कुक्कुटपालन (पोल्ट्री) हा अत्यंत फायदेशीर आणि कडक नफा देणारा व्यवसाय ठरत आहे. मात्र, योग्य तांत्रिक माहितीअभावी अनेकांना यात अडचणी येतात. हेच लक्षात घेऊन या शिबिरात पोल्ट्री व्यवसायाचे कडक व्यवस्थापन, आधुनिक तंत्रज्ञान, पक्षांचे आजार आणि त्यावरील उपाय याविषयी तज्ज्ञांकडून सखोल मार्गदर्शन केले जाणार आहे.
सर्वात महत्त्वाचे म्हणजे, हे प्रशिक्षण पूर्ण केल्यानंतर प्रशिक्षणार्थ्यांना शासकीय मान्यताप्राप्त प्रमाणपत्र दिले जाणार आहे. हे प्रमाणपत्र विविध शासकीय योजनांचा लाभ घेण्यासाठी तसेच बँकेकडून कर्ज सुविधा मिळवण्यासाठी अत्यंत फायदेशीर ठरणार आहे. पूर्व हवेलीत या शिबिराची सध्या जोरदार चर्चा सुरू असून शेतकरी वर्गातून याचे कौतुक होत आहे.
याबाबत बोलताना युवराज काकडे म्हणाले, ” मुख्यमंत्री ग्रामीण पशुधन उद्योजकता योजनेअंतर्गत कुक्कुटपालन व्यवसायासाठी मिळणाऱ्या शासकीय अनुदानाचा आणि योजनांचा लाभ घेण्यासाठी हे प्रशिक्षण प्रमाणपत्र अत्यंत आवश्यक आहे. पूर्व हवेलीतील आणि हवेली तालुक्यातील तरुण व शेतकरी बांधवांनी या एक दिवसीय शिबिराचा कडक लाभ घेऊन आपल्या पायावर उभे राहावे,”
प्रशिक्षणासाठी लागणारी कागदपत्रे
शिबिराच्या दिवशी अर्ज, आधारकार्ड झेरॉक्स सोबत पुढील पैकी कोणतेही एक कागदपत्र शैक्षणिक प्रमाणपत्र/गुणपत्रिका (मार्कलिस्ट)/शाळा सोडल्याचा दाखला.
