मुंबई: राज्यातील कोट्यवधी महिलांना प्रतिक्षा असलेल्या ‘मुख्यमंत्री माझी लाडकी बहीण योजने’च्या जून महिन्याच्या हप्त्याबाबत एक ताजी अपडेट समोर आली आहे. जून महिना संपण्यासाठी आता फक्त ६ दिवस उरले आहेत, त्यामुळे १५०० रुपयांची रक्कम आपल्या खात्यात कधी जमा होणार, याची उत्सुकता सर्व लाडक्या बहिणींना लागली आहे.
मिळालेल्या माहितीनुसार, राज्य सरकार डीबीटी (DBT) प्रणालीद्वारे थेट बँक खात्यात पैसे जमा करते. मागील महिन्यात म्हणजेच मे महिन्याचा निधी १६ जून रोजी महिलांच्या खात्यात पोहोचला होता. आता जून महिन्याचा १५०० रुपयांचा हप्ता २८ ते ३० जून दरम्यान किंवा जुलैच्या पहिल्या आठवड्यात जमा होण्याची दाट शक्यता आहे.
जर तुमचे पैसे अद्याप जमा झाले नसतील किंवा पुढील हप्ता अडकू नये असे वाटत असेल, तर आपले बँक खाते आधार कार्डशी लिंक आहे कि नाही ते पाहा. बँक खाते लिंक असणे अत्यंत अनिवार्य आहे; तसे नसल्यास पैसे खात्यात जमा होऊ शकत नाही. सध्या राज्यात १ कोटी ७० लाख महिला या योजनेसाठी पात्र ठरल्या असून, त्यांनाच जून महिन्याचा लाभ मिळणार आहे.
