पुणे: हडपसर परिसरात 11 वर्षीय चिमुरडीचा विनयभंग करून पसार झालेल्या 55 वर्षीय रिक्षाचालकाला पोलिसांनी अटक करून अवघ्या 24 तासांच्या आत न्यायालयात दोषारोपपत्र दाखल केला आहे. समोर आलेल्या माहितीनुसार, पीडित मुलगी नेहमीप्रमाणे शाळेतून घरी परतत असताना, युनूस गफार खान (वय ५५, रा. कोंढवा) या रिक्षाचालकाने संधी साधून तिच्याशी अश्लील कृत्य केले होते.
युनूस गफार खान या रिक्षाचालकाने पीडित मुलगी नेहमीप्रमाणे शाळेतून घरी परतत असताना संधी साधून तिच्याशी अश्लील कृत्य केले. या प्रकारामुळे मुलगी प्रचंड घाबरली होती, मात्र तिने धिर न सोडता घरी जाऊन पालकांना सर्व हकीगत सांगितली. पालकांनी तातडीने पोलिसांत धाव घेतली आणि हडपसर पोलीस ठाण्यात गुन्हा दाखल करण्यात आला.
गुन्हा दाखल झाल्याचे समजताच आरोपी खान फरार झाला होता. मात्र, परिमंडळ 6 चे पोलीस उपायुक्त डॉ. राजकुमार शिंदे आणि सहायक आयुक्त अतुलकुमार नवगिरे यांच्या मार्गदर्शनाखाली वरिष्ठ पोलीस निरीक्षक संजय मोगले, नीलेश जगदाळे, सहायक निरीक्षक दत्तात्रय खेडेकर, विनोद साने व कानेकर यांच्या पथकाने तपासाची चक्रे इतकी वेगाने फिरवली की, आरोपीला अटक केल्यानंतर प्रक्रिया पूर्ण करून 24 तासांच्या आत न्यायालयात दोषारोपपत्र सादर केले.
