जीवन शेंडकर
Daund Leopard News : यवत, (पुणे) : भरतगाव (ता. दौंड) येथे मेंढ्यांच्या कळपावर तीन बिबट्यांनी केलेल्या हल्ल्यात २२ हून अधिक मेंढ्या ठार झाल्याची घटना घडली आहे. बुधवारी (ता. २६) पहाटे पाच वाजण्याच्या सुमारास हि घटना घडली आहे. Daund Leopard News
मिळालेल्या माहितीनुसार, दौंड तालुक्यातील भरतगाव येथील थोरातवाडीत हिरामण जगताप यांनी शेतावर मेंढ्यांसाठी वाडा केला होता. बुधवारी पहाटे पाच वाजण्याच्या सुमारास बिबट्याने वाड्यावर हल्ला केला. त्यातून २२ मेंढ्या जागेवर ठार झाल्या. परिसरात डोंगर दरीत मृता अवस्थेत मेंढ्या दिसून येत आहेत. एक ते दीड किलोमीटर अंतरावर जागोजागी मेंढ्या मृत अवस्थेत पडलेल्या आहेत. Daund Leopard News
घटना कळताच परिसरातील शेतकरी व मेंढपाळ यांनी मेंढपाळास मदत केलेली आहे व इतर मेंढ्या सुखरूप कळपात आणल्या आहेत. जगताप यांना तत्काळ भरपाई मिळावी, तसेच परिसरात पिंजरा लावण्यात यावा, अशी मागणी ग्रामस्थांनी केलेली आहे.
दरम्यान, हल्ल्यात बावीसहून अधिक मेंढ्या ठार झाल्यामुळे जगताप यांचे मोठे नुकसान झाले आहे. मागील दोन-तीन वर्षांपूर्वी या परिसरात बिबट्या दिसलेला नागरिकांनी सांगितले आहे. नागरिकांना बिबट्याचे दर्शन देखील झालेले आहे, या घटनेचा पंचनामा तलाठी भाऊसाहेब हे करणार आहेत. Daund Leopard News
