पुणे: नाशिकमधील अशोक खरात (Rupali Thombre) प्रकरणाच्या पार्श्वभूमीवर राष्ट्रवादी काँग्रेसमध्ये अंतर्गत संघर्ष उघडपणे समोर येत असून, पक्षातील (Ashok Kharat Case) नेत्या रुपाली ठोंबरे यांनी रुपाली चाकणकर (Rupali Chakankar) यांच्यावर अत्यंत तीव्र आणि थेट आरोप केले आहेत. चाकणकर यांच्या (Ajit Pawar) राजीनाम्यानंतरही हा वाद शांत न होता अधिकच चिघळताना दिसत आहे. (Latest Marathi News)
रुपाली ठोंबरे यांनी आरोप केला की, या प्रकरणातील अनेक “कडू सत्य” दिवंगत अजित पवार यांना आधीच माहित होते आणि त्यांनी चाकणकर यांचा राजीनामा मागितला होता. मात्र तो निर्णय थांबवण्यात आला, असा दावा त्यांनी केला. “अजित दादा आज असते, तर त्यांनी अशा प्रकारांना कडक पद्धतीने आवर घातला असता,” असे वक्तव्य करत त्यांनी पक्षातील नेतृत्वावर अप्रत्यक्ष टीका केली.
ठोंबरे यांनी पुढे इशारा देत सांगितले की, अजित पवार यांच्या शेवटच्या काळात त्यांच्याभोवती कोण होते आणि कोणत्या कारणांमुळे ते अस्वस्थ होते, याचा खुलासा त्या पुढील काळात नावानिशी करणार आहेत. या सर्व प्रकरणासाठी त्यांनी थेट रुपाली चाकणकर यांनाच जबाबदार धरले आहे.
चाकणकर यांच्या राजीनाम्याच्या वेळी समोर आलेल्या छायाचित्रावरूनही ठोंबरे यांनी टीका केली. त्यांनी म्हटले की, अशा संवेदनशील प्रकरणात अपेक्षित गांभीर्य दिसून आले नाही. तसेच “वैयक्तिक कारणांमुळे राजीनामा” हा दावा त्यांनी फेटाळत, तो केवळ दिखावा असल्याचे म्हटले.
याशिवाय, चाकणकर या नियमितपणे नाशिकमध्ये खरात याच्या संपर्कात होत्या आणि त्यांनी इतर नेत्यांचीही त्याच्याशी ओळख करून दिली, असा आरोप ठोंबरे यांनी केला. सार्वजनिक पदावर असलेल्या व्यक्तींनी जबाबदारीने वागणे अपेक्षित असताना तसे झाले नाही, असे त्यांनी नमूद केले.
या सर्व घडामोडींमुळे राष्ट्रवादी काँग्रेसमध्ये केवळ राजकीय नव्हे तर नैतिक आणि नेतृत्वाच्या प्रश्नांवरही मोठी चर्चा सुरू झाली आहे. पुढील काळात या आरोप-प्रत्यारोपांमुळे पक्षांतर्गत समीकरणांवर काय परिणाम होतो, हे पाहणे महत्त्वाचे ठरणार आहे.
