अमित मुंडीक
पुणे: ख्रिसमस सणाच्या (Pune Traffic Diversion) पार्श्वभूमीवर पुणे शहरातील कॅम्प परिसरात (Road Diversion Pune) होणारी नागरिकांची मोठी गर्दी लक्षात घेता वाहतूक कोंडी (Pune Traffic) टाळण्यासाठी विशेष वाहतूक बदल जाहीर करण्यात आले आहेत. दिनांक २५ डिसेंबर २०२५ रोजी महात्मा गांधी रोड व परिसरात मोठ्या प्रमाणावर गर्दी होण्याची शक्यता असल्याने, वाहतूक सुरळीत व सुरक्षित राहावी यासाठी पोलीस उप आयुक्त (वाहतूक) पुणे शहर श्री. हिंमत जाधव यांनी तात्पुरते आदेश जारी केले आहेत. (Latest Marathi News)
हे वाहतूक बदल २४ डिसेंबर २०२५ व २५ डिसेंबर २०२५ रोजी सायंकाळी ७ वाजल्यापासून गर्दी संपेपर्यंत लागू राहणार असून, हे बदल लष्कर वाहतूक विभागाच्या हद्दीत लागू असतील. जाहीर करण्यात आलेल्या बदलांनुसार, वाय जंक्शनवरून एम.जी. रोडकडे येणारी वाहतूक १५ ऑगस्ट चौकात बंद करून ती कुरेशी मशिद व सुजाता मस्तानी चौकाकडे वळविण्यात येणार आहे.
-इस्कॉन मंदिर चौकातून डॉ. बाबासाहेब आंबेडकर पुतळा व अरोरा टॉवरकडे जाणारी वाहतूक बंद ठेवून, ती एसबीआय हाऊस चौक मार्गे तिनतीफा चौक ते लष्कर पोलीस स्टेशनकडे वळवली जाणार आहे.
-व्होल्गा चौकातून महमंद रफी चौकाकडे जाणारी वाहतूक बंद ठेवून ती ईस्ट स्ट्रीट रोडने इंदिरा गांधी चौकाकडे सोडण्यात येईल.
-इंदिरा गांधी चौकातून महावीर चौकाकडे जाणारी वाहतूक बंद ठेवून ती लष्कर पोलीस स्टेशन चौकाकडे वळविण्यात येईल.
-सरबतवाला चौकातून महावीर चौकाकडे जाणारी वाहतूक बंद ठेवून ती ताबुत स्ट्रीट रोड मार्गे पुढे सोडण्यात येणार आहे.
-वाहनचालकांनी या तात्पुरत्या वाहतूक बदलांचे पालन करून पोलिसांना सहकार्य करावे, असे आवाहन वाहतूक पोलिसांकडून करण्यात आले.
