अमित मुंडीक
पुणे: युनिट २, गुन्हे शाखा, पुणे (Pune Police) शहर यांच्या पथकाने हरविलेले व चोरीस गेलेले मोबाईल फोन शोधून काढण्याची उल्लेखनीय कामगिरी (Pune News) करत एकूण २१ मोबाईल फोन हस्तगत केले आहेत. या मोबाईल फोनची एकूण किंमत अंदाजे ३ लाख १० हजार रुपये इतकी आहे. (Latest Marathi News)
पुणे शहरात मोबाईल फोन हरवणे व चोरीस जाण्याच्या तक्रारी वाढत असताना, वरिष्ठ अधिकाऱ्यांच्या आदेशानुसार डिसेंबर २०२५ महिन्यात गुन्हे शाखा युनिट २ कडील पोलीस अधिकारी व अंमलदार पेट्रोलिंग व तांत्रिक विश्लेषणाच्या माध्यमातून हरविलेले व चोरीस गेलेले मोबाईल फोन शोधत होते. या कारवाईदरम्यान पोलीस अंमलदार सददाम तांबोळी व साधना ताम्हाणे यांनी तांत्रिक विश्लेषण करून युनिट २ च्या हद्दीतील विविध पोलीस स्टेशनमधील गहाळ व चोरीस गेलेले मोबाईल फोन पुणे शहरासह इतर ठिकाणांहून शोधून काढले.
वेगवेगळ्या कंपन्यांचे व विविध किमतीचे एकूण २१ मोबाईल फोन हस्तगत करण्यात आले आहेत. हस्तगत करण्यात आलेल्या मोबाईल फोनबाबत संबंधित मालकांशी संपर्क साधून त्यांचे किमती मोबाईल फोन परत करण्यात येत आहेत, अशी माहिती पोलिसांकडून देण्यात आली आहे.
ही कामगिरी मा. अपर पोलीस आयुक्त (गुन्हे) श्री. पंकज देशमुख, मा. पोलीस उप आयुक्त (गुन्हे) श्री. निखील पिंगळे, मा. सहा. पोलीस आयुक्त श्री. विजय कुंभार यांच्या मार्गदर्शनाखाली तसेच वरिष्ठ पोलीस निरीक्षक संतोष सोनवणे यांच्या नेतृत्वाखाली करण्यात आली. पथकात सपोनि अमोल रसाळ यांच्यासह पोलीस अंमलदार सददाम तांबोळी, साधना ताम्हाणे, संजय जाधव, शंकर कुंभार, उज्वल मोकाशी, शंकर नेवसे, विजयकुमार पवार, नागनाथ राख, संतोष टकले, विनोद चव्हाण, संजय आबनावे, ओमकार कुंभार, गणेश थोरात, विशाल दळवी, अजीम शेख, सर्जेराव सरगर, योगेश मांढरे, संदीप शिर्के व विनायक वगारे यांचा समावेश होता.
