Pune News: पुणे : विद्यार्थ्यांच्या सातत्यपूर्ण मागण्यांना अखेर न्याय मिळाला असून, पुणे महानगरपालिकेची (PMC) ज्युनिअर इंजिनिअर (JE) परीक्षा पुढे ढकलण्याचा निर्णय शासनाकडून घेण्यात आला आहे. मतदानाचा अधिकार, निवडणूक कर्तव्य, लांबच्या परीक्षा केंद्रांचा त्रास आणि TCS iON केंद्राची मागणी — या विद्यार्थ्यांनी मांडलेल्या प्रमुख मुद्द्यांचा सर्वांगीण विचार करून हा निर्णय घेण्यात आला.
हेही वाचा– बिबट्यांच्या दहशतीमुळे नागरिक त्रस्त; वनविभागाने जारी केल्या विशेष सूचना
विद्यार्थ्यांची अडचण शासनापर्यंत पोहोचवण्यासाठी जिल्हा प्रमुख (शिवसेना युवासेना) निलेश घारे आणि उपसभापती डॉ. नीलम ताई गोऱ्हे यांनी सातत्याने पाठपुरावा केला. त्यांच्या प्रयत्नांना अखेर यश मिळत विद्यार्थ्यांच्या सर्व न्याय्य मागण्या मान्य झाल्या आहेत.
या निर्णयामुळे हजारो विद्यार्थ्यांना मोठा दिलासा मिळाला असून, परीक्षा सुरळीत आणि न्याय्य वातावरणात घेण्यासाठी केलेला विद्यार्थ्यांचा लढा यशस्वी झाल्याचा आनंद व्यक्त केला जात आहे. प्रशासनाने घेतलेल्या तातडीच्या निर्णयाचे अनेक स्तरांतून स्वागत केले जात आहे.
