Political | पुणे : भाजपचे विधान परिषदेचे आमदार गोपीचंद पडळकर पवार घराण्यावर टीका करण्याची एकही संधी सोडत नाही. त्यांनी टीका करताच राज्यभर संतापाची लाट उमटत असते. राष्ट्रवादीचे नेते शरद पवार, विरोधी पक्ष नेते अजित पवार, खासदार सुप्रिया सुळे यांच्यावर ते सातत्याने निशाणा साधत असतात. पडळकरांनी शरद पवरांवर टीकी केल्याने त्यांच्यावर राष्ट्रवादीच्या नेत्यांकडून पलटवार केला जात आहे.
गोपीचंद पडळकर यांनी शरद पवार यांच्यावर खालच्या पातळीवर जाऊन टीका केली आहे. शरद पवार ही महाराष्ट्राला लागलेली कीड आहे, ही कीड मुळापासून काढून टाकावी लागेल असे वादग्रस्त वक्तव्य गोपीचंद पडळकर यांनी केले होते. त्यानंतर राष्ट्रवादीकडूनही त्यांच्यावर पलटवार करत गोपीचंद पडळकर यांच्यावर सडकून टीका करण्यात आली आहे.
गोपीचंद पडळकर यांच्या या वक्तव्यानंतर राष्ट्रवादीचे आमदार निलेश लंके यांनी त्यांची थेट लायकीच काढली आहे.
शरद पवार यांच्यावर पडळकर यांनी टीका केल्यानंतर त्यांनी थेट त्यांची लायकी काढली आहे.
आमदार निलेश लंके यांना पडळकरांनी केलेल्या टीके बद्दल माध्यमांनी विचारले असता, त्याच्याबद्दल मी बोलणं चुकीचे आहे. त्याच्याविषयी मी बोलणार नाही कारण त्याची तितकी पात्रताही नाही असा लंके यांनी पडळकरांना टोला लगावला.तर अजित पवार यांच्यावरही बोलण्याची त्याची लायकी नाही त्यामूळे लायकी नसणाऱ्या माणसांबद्दल मी बोलणारच नाही अशा शब्दात त्यांनी गोपीचंद पडळकर यांच्या टीकेला लंके यांनी प्रत्युत्तर दिले आहे.
गोपीचंद पडळकर यांच्याकडून सातत्याने शरद पवार यांच्यावर टीका केली जात असते. त्यामुळे त्यांनी गोपीचंद पडळकर याने टेंडर घेतलं आहे त्यामूळे तो असच भुकत असतो अशा शब्दात त्यांनी त्यांच्यावर टीका केली आहे.
