लोणी काळभोर : अवघ्या चार वर्षाच्या कालावधीत कोर्ट पैरवी म्हणून लोणी काळभोर पोलीस ठाण्यातील पोलीस हवालदार ललीता सिताराम कानवडे यांची कामगिरी अतिशय उत्कृष्ठ आहे. त्यांनी न्यायालयात वेळेवर दोषारोपपत्र, साक्षीदार व पुरावे सदर करून 15 गुन्ह्यातील 26 आरोपींना शिक्षा होण्यासाठी महत्वाची भूमिका बजावली आहे. पोलीस दलाची प्रतिमा उंचावण्यासाठी त्यांची कामगिरी मोलाची ठरली आहे. असे गौरवोद्गार पुणे शहर पोलीस उप आयुक्त डॉ. राजकुमार शिंदे यांनी केले आहे.
लोणी काळभोर (ता. हवेली) पोलीस ठाण्यातील पोलीस हवालदार ललीता कानवडे यांची नुकतीच लाचलुचपत प्रतिबंधक विभागात बदली आहे. त्यांचा निरोप समारंभ लोणी काळभोर पोलीस ठाण्यात शनिवारी (ता.23) पार पडला. यावेळी बोलताना वरील गौरवोद्गार पुणे शहर पोलीस उप आयुक्त डॉ. राजकुमार शिंदे यांनी केले आहे. यावेळी लोणी काळभोर पोलीस ठाण्याचे वरिष्ठ पोलीस निरीक्षक राजेंद्र पन्हाळे, सहाय्यक पोलीस निरीक्षक कृष्णा बाबर, अंकुश बोराटे, पोलीस उपनिरीक्षक सर्जेराव बोबडे, रत्नदीप बिराजदार, पूजा माळी, व पोलीस कर्मचारी मोठ्या संख्येने उपस्थित होते.
पुढे बोलताना डॉ. राजकुमार शिंदे म्हणाले, ‘पोलीस हवालदार ललीता कानवडे यांनी जिल्हा व सत्र न्यायालयात कोर्ट पैरवी कामकाजाचे कर्तव्य तत्परतेने केले आहे. लोणी काळभोर पोलीस ठाण्याच्या हद्दीतील खुन, आत्महत्येस प्रवृत्त करणे व हुंडाबळी यांसारख्या अतिशय गंभिर स्वरुपाचे सेशन केसेस मधील फिर्यादी, साक्षीदार, मुद्देमाल व सर्व साक्षीपुरावे विहीत वेळेत योजनाबध्दरित्या न्यायालयात हजर केले. तसेच सरकारी अभियोक्ता यांना सदर केसेसचे दोषसिध्दीचे अनुषंगाने सर्वतोपरी सहकार्य केले आहे. कानवडे यांनी त्यांचे कर्तव्य प्रभाविरित्या पार पाडल्यामुळे मार्च 2024 ते एप्रिल 2025 पर्यंत एकुण 15 गुन्हयात दोषसिध्दी झाली असून, सन 2025 मध्ये जानेवारी ते एप्रिल या 4 महिन्यात एकुण 7 गंभिर गुन्हयांमध्ये दोषसिध्दी झालेली आहे. त्यांनी उत्कृष्ठ, उल्लेखनिय व गौरवास्पद कामगिरी केली आहे.
दरम्यान, पोलीस उप आयुक्त डॉ. राजकुमार शिंदे हस्ते पोलीस हवालदार ललीता कानवडे यांना सन्मानित केले. तसेच पुढील वाटचालीसाठी शुभेच्छा दिल्या. यावेळी ललीता कानवडे यांचे अश्रू अनावर झाले व त्यांनी सर्वांचे आभार मानले. यावेळी लोणी काळभोर पोलीस ठाण्याचे सहाय्यक फौजदार रामदास मेमाणे, पोलीस हवालदार रवी आहेर, वैजिनाथ शेलार, राणी खामकर, पोलीस अंमलदार मंगेश नानापुरे, प्रशांत नरसाळे, अजिंक्य जोजारे, शिवाजी दरेकर, संदीप धुमाळ व पोलीस कर्मचारी उपस्थित होते.
