पिंपरी-चिंचवड: पिंपरी-चिंचवड (Pune Crime) शहरातील भोसरी परिसरात असलेल्या बैलगाडा (Pune News) शर्यत घाटात एका तरुणाचा निर्घृण खून झाल्याची धक्कादायक घटना उघडकीस आली आहे. दीपक कुमार (वय 40) असे मृत तरुणाचे नाव आहे. (Pune Breaking News)
दीपक कुमार हा मूळचा बिहार राज्यातील रहिवासी असून गेल्या काही महिन्यांपासून तो इंद्रायणी नगर परिसरात वास्तव्यास होता. तो इंद्रायणी नगरमधील गॅलेक्सी कंपनीत कामगार म्हणून काम करत असल्याची प्राथमिक माहिती पोलिसांनी दिली आहे. बैलगाडा शर्यत घाट परिसरात त्याचा मृतदेह आढळून आल्याने परिसरात खळबळ उडाली आहे. (Latest Marathi News)
दीपक कुमारचा खून नेमका कोणी आणि कोणत्या कारणातून केला, याबाबत अद्याप स्पष्ट माहिती समोर आलेली नाही. घटनेची माहिती मिळताच भोसरी पोलिसांनी घटनास्थळी धाव घेतली असून पंचनामा करून पुढील तपास सुरू केला आहे. पोलिसांकडून विविध शक्यतांचा विचार करून तपास केला जात असून लवकरच या हत्येचा उलगडा होईल, असा विश्वास व्यक्त करण्यात येत आहे.
