Pimpri News : पिंपरी : लांडेवाडी परिसरातील औरा आईस अँड कोल्ड स्टोरेज फॅक्टरीला भीषण आग लागल्याची धक्कादायक घटना शनिवारी (ता.२१) दुपारी साडे तीन वाजण्याच्या सुमारास उघडकीस आली आहे. या आगीत एकजण गंभीर जखमी झाला आहे.
कामगारांनी खाली उड्या मारल्याने मोठी दुर्घटना टळली
मिळालेल्या माहितीनुसार, औरा आईस अँड कोल्ड स्टोरेज ही फॅक्टरी तीन मजली असून गेले पाच वर्ष बंद आहे. त्या आधी ३० वर्ष ही कंपनी अस्तित्वात होती. या कंपनीच्या भिंतीवर अपग्रेडिंगचा बोर्ड देखील लावण्यात आला आहे. या बंद फॅक्टरीचे डिमॉलिश करण्याचे काम चालू असताना गॅस कटिंग करताना बंद कोल्ड स्टोरेज रूमच्या फोमला आग लागली असल्याचे समोर आले आहे. तर सुदैवाने कंपनीत काम करत असलेल्या कामगारांनी खाली उड्या मारल्याने मोठी दुर्घटना टळली. (Pimpri News) घटनास्थळी अग्निशमन दलाच्या दोन गाड्या व १४ कर्मचाऱ्यांनी आग आटोक्यात आणली. पोलीस प्रशासन देखील घटनास्थळी हजर झाले आहेतदरम्यान, या आगीत एकजण गंभीर जखमी झाला असून एकजण किरकोळ जखमी असल्याचे समोर आले आहे. जखमी कामगारांना पिंपरीतील वायसीएम रुग्णालयात दाखल करण्यात आले आहे.
अधिक बातम्या वाचण्यासाठी येथे क्लिक करा :
Pimpri News : महिलेकडे ५० हजारांच्या लाचेची मागणी; सांगवीतील सहायक फौजदार रंगेहाथ जाळ्यात
