Pimpri News : पिंपरी : रिक्षाचालकाला वाचविण्याच्या प्रयत्नात महाराष्ट्र राज्य परिवहन महामंडळाची एसटी बस दुभाजकाला जोरदार धडकल्याची घटना जुन्या पुणे-मुंबई महामार्गावर घडली. या बसमधून २० प्रवासी, चालक व वाहक वाहक प्रवास करत होते. मात्र, सुदैवाने कोणतीही जिवीतहानी झाली नाही.
मदर तेरेसा उड्डाणपुलाखाली झाला अपघात
या घटनेबाबत मिळालेल्या अधिक माहितीनुसार, बोरिवली ते पुणे ही बस महामार्गावरुन पुण्याच्या दिशेने जात होती. चिंचवड येथून जात असताना एका रिक्षाचालकाने अरुंद जागेतून रिक्षा पुढे दामटण्याचा प्रयत्न केला. या वेळी रिक्षाला बसची धडक होवून कोणताही अपघात होऊ नये, यासाठी खबरदारी म्हणून बस चालक तानाजी सरवदे यांनी बस रस्ता दुभाजकाकडे वळवली. (Pimpri News) बस दुभाजकावर जोरात आदळली. या अपघातात प्रवाशांचे कोणतेही नुकसान झाले नाही. मंगळवारी दुपारी दोन वाजण्याच्या सुमारास सेंट मदर तेरेसा उड्डाणपुलाखाली ही घटना घडली.
या अपघातात बसचा पुढील भाग चेपला गेला आहे. बसममधील २० प्रवासी, बस चालक आणि वाहक सर्वजण सुखरूप आहेत. दरम्यान, अपघातानंतर बघ्यांनी गर्दी केली होती. (Pimpri News) यामुळे संथ झालेली वाहतूक पोलिसांनी सुरळीत केली.
दरम्यान, बसमधील प्रवाशांना दुसऱ्या बसमध्ये बसवून पुढील प्रवासासाठी पाठवून देण्यात आले.
अधिक बातम्या वाचण्यासाठी येथे क्लिक करा :
Pimpri News : प्रतिस्पर्धी उमेदवाराचा अर्ज फाडला; हिंजवडी ग्रामपंचायत सदस्यावर गुन्हा दाखल
