Pimpari Crime News | पिंपरी : अल्पवयीन मुलीवर लैंगिक अत्याचार केल्यानंतर तिच्या आई वडिलांना मुलीचे अश्लील फोटो व्हायरल करण्याची धमकी देत त्यांच्याकडून पाच हजार रुपयांची रक्कम उकळल्याची घटना उघडकीस आली आहे.
रोशन कैलास चव्हाण (वय-२५) असे गुन्हा दाखल करण्यात आलेल्या आरोपीचे नाव आहे. याप्रकरणी मुलीच्या आईने हिंजवडी पोलीस ठाण्यात फिर्याद दिली आहे. हा प्रकार २८ फेब्रुवारी ते १५ मार्च २०२३ या कालावधीत घडला आहे.
पोलिसांनी दिलेल्या माहितीनुसार, फिर्यादी यांची मुलगी आणि आरोपी या दोघांचे अनेक दिवसांपासून प्रेम संबंध होते. आरोपीने स्वताच्या मोबाईलमध्ये मुलीचे अश्लील फोटो काढले. त्यानंतर आरोपी मुलीच्या आईकडे पैशांची मागणी करू लागला. पैसे नाही दिले तर तुमच्या मुलीचे फोटो सोशल मीडियावर व्हायरल करेल, अशी धमकी देखील त्याने मुलीच्या आई वडिलांना दिली.
हिंजवडी पोलीस ठाण्यात फिर्याद…
मुलीची बदनामी होऊ नये म्हणून मुलीच्या आई वडिलांनी संबधित आरोपी मुलाला पाच हजार रुपये ऑनलाईन पाठवले. पैसे घेतल्यानंतर संबधित आरोपीने फिर्यादी महिलेच्या मोबाईलवर मुलीचे अश्लील फोटो पाठवले.
त्यानंतर त्यांनी हिंजवडी पोलिसात धाव घेत संपूर्ण घटना सांगितली. त्यानंतर हिंजवडी पोलिसांनी घटनेनेचे गांभीर्य ओळखत संबधित तरुणावर गुन्हा दाखल केला असून पुढील कारवाई करण्याचे काम सुरू आहे.
अधिक बातम्या वाचण्यासाठी येथे क्लिक करा…
Fraud News : नोकरी लावण्याचे आमिष दाखवत वर्गमित्रानेच केली फसवणूक ; खडकी पोलीस ठाण्यात गुन्हा दाखल
Ajit Pawar | दूध भेसळीच्या मुद्यावर विरोधी पक्षनेते अजित पवार आक्रमक
Breaking News : रेल्वे प्रवाशांसाठी खुशखबर! आजपासून दौंड-सोलापूर नवीन डेमो सुरु
