कोथरूड, (पुणे) : लहान भाऊ त्रास देत असल्याची तक्रार मोठ्या भावाकडे घेऊन गेलेल्या अल्पवयीन मुलीवर भावाने बलात्कार केल्याची धक्कादायक घटना पुण्यात घडली. याप्रकरणी १५ वर्षीय पीडित तरुणीच्या फिर्यादीवरून दोन भावांवर अलंकार पोलिस ठाण्यात गुन्हा दाखल करण्यात आला.
किशोर परमेश्वर केदार (वय २३) आणि नकुल परमेश्वर केदार (वय २१, रा. हॅप्पी कॉलनी, लेन नं. ३, विनायक मित्र मंडळाजवळ, गोसावी वस्ती, कोथरूड) अशी आरोपींची नावे असून, पोलिसांनी त्यांना अटक केली आहे.
पोलिसांनी दिलेल्या माहितीनुसार, पीडित १५ वर्षीय तरुणी कोथरूड परिसरात राहते. ती दररोज क्लासला ये-जा करते. त्यावेळी क्लासच्या जवळ राहणारा नकुल केदार हा तिची वारंवार छेड काढून तिला त्रास देत होता. त्यामुळे त्याच्या त्रासाला कंटाळून पीडिता तिचा मोठा भाऊ किशोर केदार याच्याकडे तक्रार करण्यास गेली. त्यावेळी किशोर केदार याने तिला जबरदस्तीने ओढत नेत तिच्यावर बलात्कार केला आणि धमकी दिली.
तसेच ‘जेव्हा बोलावेल तेव्हा लगेच यायचे, नाही आलीस तर तुझे काय करायचे ते बघतो. तुम्ही कोणीच माझे काही वाकडे करू शकत नाही, अशी धमकी देखील दिली. याप्रकरणाचा पुढील तपास पोलिस उपनिरीक्षक शेख या करत आहेत.
