पुणे : पुण्यातील बिबवेवाडी परिसरातून एक धक्कादायक घटना उघडकीस आली आहे. फ्री फायर गेमद्वारे अल्पवयीन मुलीशी ऑनलाईन मैत्री केली. तसेच तिला धमकी देऊन तिचे नग्नावस्थेतील फोटो व्हाट्सअपवर मागवून घेतले. माझ्यासोबत रिलेशनशिपमध्ये राहण्याची तिला सक्ती केली. अल्पवयीन मुलीच्या आई-वडील आणि आजी यांच्या व्हाट्सअपवर तिचे नग्न फोटो पाठवून बदनामी करण्यात आली. हा प्रकार जून २०२३ ते जुलै २०२३ या कालावधी दरम्यान बिबवेवाडी-कोंढवा रस्त्यावरील सोसायटीत घडला. याप्रकरणी मार्केट यार्ड पोलीस ठाण्यात पीडित मुलीच्या आईने फिर्याद दिली असून आरोपीवर गुन्हा दाखल करण्यात आला आहे. (Pune crime News)
पोलिसांनी दिलेल्या अधिक माहितीनुसार, पीडित मुलगी ही अल्पवयीन आहे. ती ‘फ्री फायर गेम’ खेळत होती. या गेमद्वारे तिची अमनकुमार नावाच्या आरोपीसोबत ऑनलाईन मैत्री झाली. मागील तीन वर्षांपासून त्यांची मैत्री होती. जून २०१३ ते जुलै २०२३ या कालावधीमध्ये पीडित मुलीच्या बहिणीला जीवे ठार मारण्याची धमकी अमन कुमार याने दिली होती. तिच्याशी फोनवर आणि ऑनलाईन वारंवार अश्लील भाषेत संवाद साधला. तसेच तिला धमकावत तिचे नग्न अवस्थेतील फोटो व्हाट्सअपवर मागवून घेतले. घाबरलेल्या अवस्थेत असलेल्या अल्पवीयन मुलीने ते फोटो अमन कुमार याला पाठवले. (Sexual Harassment)
पुढे आरोपीने तिला रिलेशनशिपमध्ये राहण्याची सक्ती केली, जर रिलेशनशिपमध्ये राहिली नाही,तर ते फोटो नातेवाईकांना पाठवीन अशी धमकी दिली. दरम्यान मार्केट यार्ड पोलीस ठाण्यात मुलीच्या आईने फिर्याद दिली असून त्यात पीडित मुलीचे वडील, आई आणि आजी तसेच तिच्या बहिणीला व्हाट्सअपवर तिचे नग्नावस्थेतील फोटो पाठवून तिची बदनामी केली, असे फिर्यादीमध्ये म्हटले आहे. पुढील तपास पोलीस निरीक्षक (गुन्हे) स्वप्नाली शिंदे करत आहेत. (free fire game)
