Gram Panchayat Election Result 2023 : नारायणगाव : राज्यातील ग्रामपंचायतींचे निकाल हाती येण्यास सुरवात झाली आहे. बारामती तालुक्यातील आठ ग्रामपंचायतींचे निकाल हाती आले असून, आठही ग्रामपंचायतींवर अजित पवार गटाचे वर्चस्व आहे. जुन्नर तालुक्यात सर्वात मोठी समजली जाणारी नारायणगाव ग्रामपंचायत कोणाच्या ताब्यात जाणार, याची उत्सुकता सर्वांनाच लागली होती. राजकीय, व्यापारी व आर्थिक उलाढालीच्या दृष्टीने महत्त्वाच्या असलेल्या नारायणगाव ग्रामपंचायतीचा निकाल अखेर हाती आला आहे.
मुक्ताई ग्रामविकास पॅनलचे १७ उमेदवार विजयी झाले आहेत, तर मुक्ताई ग्रामविकास परिवर्तन पॅनलचा अवघा एक उमेदवार विजयी झाला आहे. या निवडणुकीमध्ये सत्ताधारी गटाने बाजी मारली आहे. सत्ताधारी गटाच्या सरपंचपदाच्या उमेदवार शुभदा वावळ २ हजारांपेक्षा अधिक मतांनी विजयी झाल्या आहेत. विजी उमेदवारांनी गुलाल उधळत, घोषणाबाजी करत जल्लोष साजरा केला.
