डोर्लेवाडी, (पुणे) : झारगडवाडी ग्रामपंचायतीच्या उपसरपंचपदी मोनाली विजय राऊत यांची शुक्रवारी (ता. 02) बिनविरोध निवड करण्यात आली. उपसरपंच सोनाली रामभाऊ करे यांनी आपल्या पदाचा राजीनामा दिल्याने सरपंचाच्या अध्यक्षतेखाली उपसरपंचपदाची निवडणूक घेण्यात आली.
या निवडणुकीत उपसरपंच पदासाठी पूनम नानासो आवटे व मोनाली विजय राऊत यांचे अर्ज दाखल करण्यात आले होते. यावेळी दिलेल्या मुदतीत पूनम आवटे यांनी अर्ज माघारी घेतल्याने निवडणूक निर्णय अधिकाऱ्यांनी मोनाली राऊत मंगल यांची निवड बिनविरोध झाल्याची घोषणा केली. ग्रामविकास आधिकारी काळभोर यांनी निवडणूकीचे कामकाज पाहिले. यावेळी सर्व सन्मानिय सरपंच, उपसरपंच व सर्व सदस्य व ग्रामविकास अधिकारी तसेच आजी माजी सर्व पदाधिकारी ग्रामस्थ उपस्थित होते.
नवनिर्वाचित उपसरपंच मोनाली राऊत निवडीनंतर म्हणल्या, “गावच्या सर्वांगीण विकास कामासाठी सरपंच – ग्रामपंचायत सदस्य आम्ही सर्वजण प्रयत्न करु. येणाऱ्या काळात विकासकामे करत असताना नागरिकांनी मला सहकार्य करावे.”
