लोणी काळभोर : “तु मला आवडते, सगळे नवरात्र कार्यक्रमात अडकले आहेत. आपण फिरायला जाऊ” असे म्हणून महिलेचा हात धरून विनयभंग केल्याची घटना घडली आहे. ही घटना लोणी काळभोर (Loni Kalbhor News) परिसरात शुक्रवारी (ता.26) रात्री पावणे नऊ वाजण्याच्या सुमारास घडली आहे. लोणी काळभोर (Pune Crime) पोलीस ठाण्यात एकाच्या विरोधात गुन्हा दाखल करण्यात आला आहे.
नरेश आबाडे (लोणी काळभोर ता. हवेली जि. पुणे) असे गुन्हा दाखल करण्यात आलेल्या आरोपीचे नाव आहे. याप्रकरणी 45 वर्षीय महिलेने लोणी काळभोर पोलीस ठाण्यात फिर्याद दिली आहे. पोलिसांनी दिलेल्या माहितीनुसार, आरोपी नरेश आबाडे याने फिर्यादीचा हात धरुन “तु मला आवडते, सगळे नवरात्र कार्यक्रमात अडकले आहेत. आपण फिरायला जाऊ” असे म्हणाला. यावेळी फिर्यादी यांनी त्यास नकार दिला. तेव्हा आरोपीने फिर्यादी यांना अश्लील शिवीगाळ करुन त्यांच्या स्त्री मनास लज्जा उत्पन्न होईल असे वर्तन केले. याप्रकरणी लोणी काळभोर पोलीस ठाण्यात भारतीय न्याय संहिता कलम 74,351(2) (3) 352 प्रमाणे गुन्हा दाखल करण्यात आला आहे. पुढील तपास सहाय्यक पोलीस निरीक्षक अंकुश बोराटे करीत आहेत.
हेही वाचा: Pune Crime : “तु माझ्या सोबत एक रात्र झोप”, रीलस्टारकडे शरीर सुखाची मागणी; एकावर गुन्हा दाखल
