यवत, (पुणे) : पुणे-सोलापूर राष्ट्रीय महामार्गावर भरधाव वेगाने निघालेल्या स्विफ्ट कारने पुढे चाललेल्या मोटारसायकलला पाठीमागून जोरात धडक दिली आहे. या अपघातात दुचाकीवरील तरुण गंभीर जखमी झाला असून त्याच्यावर उरुळी कांचन येथील एका खासगी रुग्णालयात उपचार सुरु आहेत. बुधवारी (ता. 03) दुपारी सव्वा एक वाजण्याच्या सुमारास बोरीभडक चंदनवाडी येथील ‘देवघर फॅक्टरी फर्निचर’ समोर हा अपघात झाला.
फैजान महेबुब सय्यद असे अपघातात गंभीर जखमी झालेल्या तरुणाचे नाव आहे. याबाबत त्याचा भाऊ सोहल महेबुब सय्यद यांनी यवत पोलीस्त ठाण्यात फिर्याद दिली आहे. त्यानुसार चारचाकी चालक योगेश मारुती चव्हाण (रा. भांडगाव, ता. दौंड) याच्यावर यवत पोलीस ठाण्यात गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी सोहल सय्यद व त्यांचा मोठा भाऊ फैजान हे दोघे मिळून बोरीभडक परिसरात ‘जी. के. आर. सोल्यूशन्स’ नावाची कापडी पिशव्या तयार करण्याची कंपनी चालवतात. बुधवारी ताब्यातील मोटारसायकल (क्र. MH 12 WY 7893) घेऊन उरुळी कांचन येथे कुरिअर देण्यासाठी सोलापूर-पुणे हायवेने पुणे बाजूकडे निघाला होता.
View this post on Instagram
बोरीभडक चंदनवाडी येथील ‘देवघर फॅक्टरी फर्निचर’ दुकानाच्या समोर आला असता, पाठीमागून सोलापूर बाजूकडून पुणे बाजूकडे जाणाऱ्या लाल रंगाच्या स्विफ्ट कारने (क्र. MH 12 VL 5954) फैजानच्या ओला बाईकला पाठीमागून जोरदार धडक दिली. ही धडक इतकी भीषण होती की फैजान मोटारसायकलवरून थेट डांबरी रस्त्यावर फेकला गेला. या अपघातात फैजानच्या डोक्याला, तोंडाला, हाता-पायाला आणि छातीला अत्यंत गंभीर दुखापत झाली आणि तो रस्त्यावरच बेशुद्ध पडला. त्याला नागरिकांच्या मदतीने रुग्णवाहिकेच्या माध्यमातून उरुळी कांचन येथील एका खासगी रुग्णालयात आयसीयुत उपचार सुरु आहेत.
दरम्यान, सोहल सय्यद यांनी अपघात ठिकाणी जावुन चौकशी केली धडक बसलेल्या स्विप्ट कार वरील चालकाचे नाव योगेश मारूती चव्हाण (रा. भांडगांव ता. दौंड जि. पुणे असे असल्याचे समजले आहे. याप्रकरणी यवत पोलीस ठाण्यात कार चालक योगेश चव्हाण विविध कलमान्वये गुन्हा दाखल करण्यात आला आहे.
