Loni Kalbhor News : लोणी काळभोर : लोणी काळभोर (ता. हवेली) येथील पृथ्वीराज कपूर मेमोरियल हायस्कूल व ज्युनिअर कॉलेजच्या विद्यार्थ्यांनी तालुकास्तरीय खो-खो स्पर्धेत स्पर्धेत घवघवीत यश संपादन केले आहे.
विजेत्या खेळाडूंचे नागरिकांकडून कौतुक
लोणीकंद (ता. हवेली) येथील न्यू टाइम्स इंटरनॅशनल स्कूलमध्ये तालुकास्तरीय खो -खो स्पर्धा १३ सप्टेंबर ते १५ सप्टेंबर या कालावधीत पार पडली. या स्पर्धेत विद्यालयातील १४, १७ व १९ वयोगटातील मुलांच्या संघांनी सहभाग घेतला होता.
विद्यालयाच्या १९ वर्षे वयोगटातील विद्यार्थ्यांचा अंतिम सामना लोणीकंद येथील सुभद्राबाई भूमकर जुनिअर कॉलेज बरोबर झाला. (Loni Kalbhor News) तर १४ व १७ वर्ष वयोगटातील मुलांचा अंतिम सामना नूतन माध्यमिक विद्यालय वडकी सोबत झाला.
दरम्यान, या स्पर्धेत १४ वर्ष वयोगटातील मुलांनी प्रथम, १७ वर्ष वयोगटातील मुलांनी द्वितीय तर १९ वर्ष वयोगटातील मुलांनी प्रथम क्रमांक पटकाविला आहे.(Loni Kalbhor News) विजेत्या खेळाडूंचे लोणी काळभोर व परिसरातील नागरिकांकडून भरभरून कौतुक होत आहे.
यशस्वी खेळाडूंना क्रीडा शिक्षक सुरेश कोरे, राजेश चौरे व सुनील टिळेकर यांचे मार्गदर्शन मिळाले. तर विद्यालयाच्या वतीने विजेते खेळाडू व शिक्षकांचा सत्कार करून अभिनंदन करण्यात आले. (Loni Kalbhor News) यावेळी प्राचार्य सीताराम गवळी, पर्यवेक्षिका रेखा पाटील, पर्यवेक्षक विलास शिंदे, अर्जुन कचरे, शिक्षक, शिक्षकेतर कामचारी व विद्यार्थी मोठ्या संख्येने उपस्थित होते.
अधिक बातम्या वाचण्यासाठी येथे क्लिक करा :
Loni Kalbhor News : महाराष्ट्र केसरीच्या दहीहंडीला “गौतमी पाटील” थिरकणार..
