लोणी काळभोर, (पुणे) : महाराष्ट्र केसरी पैलवान राहूल काळभोर यांच्या दहीहंडी कार्यक्रमात प्रसिध्द डान्सर गौतमी पाटील थिरकणार असून तीच्या अदा चाहत्यांसाठी वेगळीच पर्वणी ठरणार आहे. “पैलवानाच्या कार्यक्रमाला गौतमी” याची चर्चा लोणी काळभोरसह संपूर्ण तालुक्यात सुरु झाली आहे.
गौतमी पाटील हे नाव सध्या सोशल मीडियावर प्रचंड चर्चेत असून फेसबुक, इन्स्टाग्रामवरती लाखो संख्येने फॉलोअर्स असल्याने गौतमी पाटीलचा संपूर्ण महाराष्ट्राभर मोठा चाहता वर्ग आहे. तिच्या डान्सने व अदाकारीने तरुणांसह वयोवृद्धांनाहि चांगलीच भुरळ घातली आहे. त्यामुळे “गौतमीचा कार्यक्रम आणि चाहत्यांची तुडुंब गर्दी” हे एक मोठे समीकरण सध्या महाराष्ट्रात सुरु आहे.
गौतमी पाटीलची एक झलक दिसावी म्हणून चाहते प्रयत्नशील असतात. अशात पैलवानने आयोजित केलेल्या दहीहंडी उत्सवात गौतमी लोणी काळभोर सारख्या मोठ्या गावात हजेरी लावणार म्हटल्यावर चर्चा तर होणारच ना.. महाराष्ट्र केसरी पै. राहुल काळभोर यांनी आयोजीत केलेल्या दहीहंडी उत्सवात ५ लाख ५५ हजार रुपयांचे बक्षीस ठेवण्यात आले आहे. या कार्यक्रमासाठी उत्सवासाठी प्रसिध्द डान्सर गौतमी पाटील, छोटा पुढारी घनश्याम दरोडे, अभिनेत्री हृता दुर्गुळे, प्राजक्ता गायकवाड, सुभाष यादव येणार आहेत.
तसेच पुर्वी टिकटॉक व आता इन्स्टाग्राम, फेसबुक, मोज, युट्युब अशा सोशल मिडीयावर धुमाकुळ घालणारी गौतमी पाटील ही या सोहळ्याचे प्रमुख आकर्षण असणार आहे.
दरम्यान, ‘सबसे कातील गौतमी पाटील’ च्या लावणीचा जलवा आता लोणी काळभोरमध्ये दिसणार आहे. या कार्यक्रमासाठी पोलिसांचा मोठा बंदोबस्त ठेवावा लगणार आहे. गौतमी पाटील सध्या आपल्या लावणीमुळे चांगल्याच चर्चेत आहेत. तिच्या अदाकारीची तरुणाईमध्ये मोठी क्रेज देखील आहे. तिच्या प्रत्येक कार्यक्रमाला तरुणाईची मोठी गर्दी असते. तिने आजपर्यंत केलेल्या लावणीच्या कार्यक्रमात तरुणाईने धिंगाणा घातल्याने अनेक वेळा गौतमीचा कार्यक्रम चर्चेत आला आहे.
