Loni Kalbhor News : लोणी काळभोर, (पुणे) : लोणी काळभोर (ता. हवेली) येथील एंजल हायस्कूल व ज्युनिअर कॉलेजच्या मुला-मुलींच्या संघाने घसघशीत यश संपादन केले आहे.
महाराष्ट्र शासनाच्या क्रीडा व युवक सेवा संचालनालयार्गंत जिल्हा क्रीडा परिषद, जिल्हा क्रीडा अधिकारी कार्यालय पुणे यांच्या संयुक्त विद्यमाने आयोजित केलेल्या जिल्हास्तरीय हॉकी स्पर्धेचे एस.एन.बी.एस स्कूल चिखली येथील मैदानावर १० व ११ सप्टेंबरला आयोजन करण्यात आले होते.
हॉकी संघाने द्वितीय क्रमांक पटकाविला….
या स्पर्धेत १७ वर्षांखालील मुलांच्या हॉकी स्पर्धेत एंजल हायस्कूल व ज्युनिअर कॉलेज संघाने मुक्ताई हायस्कूल संघांवर मात करून तॄतीय क्रमांक पटकाविला. १९ वर्षांखालील मुलांच्या संघाने द्वितीय क्रमांक, तर १९वर्षाखालील मुलीच्या हॉकी संघाने द्वितीय क्रमांक पटकाविला.
या विजयी संघास क्रीडा विभागाचे प्रमुख भाऊसाहेब महाडिक, क्रीडा शिक्षक दिपक गिरी, रामदास दंडाले, सनी बोरडे, अलका लकडे, ज्योती शिंदे यांचे मोलाचे मार्गदर्शन लाभले.
दरम्यान, या यशस्वी संघाचे विशेष अभिनंदन संस्थेचे सचिव सचिन अग्निहोत्री, संस्थेच्या संचालिका इराणी मॅडम, संस्थेचे संचालक अविनाश शेलूकर, एंजल हायस्कूल व ज्युनिअर कॉलेजच्या प्राचार्या शमशाद कोतवाल, एंजल इंग्लिश मिडीयम स्कूल (सीबीएससी)च्या प्राचार्या खुशबू सिंग व शिक्षक वृंद यांनी केले.
