Loni Kalbhor News : लोणी काळभोर, (पुणे) : लोणी काळभोर (ता. हवेली) ग्रामपंचायत हद्दीतील साठे वस्ती परिसरात एका २० वर्षीय तरुणाने घरातच गळफास घेऊन आत्महत्या केल्याची घटना उघडकीस आली आहे. रविवारी (ता. २१) रात्री नऊ वाजण्याच्या सुमारास हि घटना उघडकीस आली आहे. या घटनेने लोणी काळभोर परिसरात हळहळ व्यक्त केली जात आहे.
कारण अस्पष्ट, परिसरात हळहळ
सुदर्शन ज्ञानेश्वर (माऊली) काळभोर (वय-२०, रा. साठेवस्ती, तारा सिटी, लोणी काळभोर, ता. हवेली) असे आत्महत्या केलेल्या तरुणाचे नाव आहे. (Loni Kalbhor News) याप्रकरणी लोणी काळभोर पोलीस ठाण्यात गुन्हा दाखल करण्यात आला आहे.
मिळालेल्या माहितीनुसार, माऊली काळभोर व त्यांची पत्नी रविवारी एका लग्न कार्याला सायंकाळी पाच वाजण्याच्या सुमारास बाहेरगावी गेले होते. (Loni Kalbhor News) यावेळी सुदर्शन याने राहत्या घराला आतून कडी लावून घेतली.
घराच्या खाली काही विक्रेत्यांनी घराचा दरवाजा वाजवला मात्र घरातून कोणताही प्रतिसाद आला नाही. (Loni Kalbhor News) तसेच फोन हि केले मात्र सुदर्शनने फोन उचलला नाही. त्यामुळे त्या ठिकाणी असलेल्या दुकानदारांनी सुदर्शनच्या वडिलांना फोन करून सांगितले कि, सुदर्शनला फोन लावला तसेच घराचा दरवाजा वाजवला तरीही दरवाजा उघडत नाही.
रात्री नऊ वाजण्याच्या सुमारास माऊली काळभोर व त्यांची पत्नी लग्नावरून घरी आले त्यानीही फोन केला मात्र सुदर्शनने फोन उचलला नाही. त्यानंतर त्यांनी लोणी काळभोर पोलिसांशी संपर्क साधला. (Loni Kalbhor News)
दरम्यान, पोलिसांना माहिती मिळताच पोलीस कर्मचारी अजिंक्य जोजारे, पोलीस अंमलदार केतन धेंडे यांनी हातोड्याच्या सहायाने घराचा दरवाजा तोडला. (Loni Kalbhor News) त्यावेळी घरातील एका खोलीत सुदर्शनने गळफास घेतल्याचे निदर्शनास आले. सुदर्शनने आत्महत्या का केली याचे कारण अस्पष्ट असून तपास लोणी काळभोर पोलीस करीत आहेत.
